Jaisa ki aapne post ki title padhi yanha hum backlinks ke baare me batane wale hain. Backlinks SEO me use hone wale sabse popular words me se ek hai.

Backlinks Blog SEO Ke Liye Kyu Jaruri Hote Hain?

Bahut se humare new bloggers hain jinhone blog ya website start ki hai, unhe backlinks ko samjhne me mushkil hoti hai.

Ish post me hum aapko yahi batayenge backlinks seo ke liye kaise important hai. Backlinks aapke site ya blog ki online success ke liye bahut importance rakhte hai. To aaiye isko samjhte hain.

Backlinks Kya Hain?

Backlinks kisi website ya blog par aane wale incoming links hain. Jab koi website kisi bhi other webpage ke saath link hota hai, to usey hum backlink kehte hain.

For Example: Backlink ko aap aise samjh sakte hain, jaise mere blog par kisi other site ka link hai, aur usko click karke koi visitor ush site par chala jaata hai usey hi backlinks kehte hain.

Pehle webpage ki ranking me backlinks bahut hi major factor tha. Koi bhi blog ya website jiske bahut saare backlinks hotey they, wo blog ya website sabhi bade search engines me higher rank par hota hai.

Yanha main Backlink ke type aur unse jude kuch term aapko bata raha hun, jo aapko bhi jarur janna chahiye.

#1. Link Juice : Jab koi website ya blog kisi bhi article ya aapki website ke homepage ko link karta hai, to wo link juice pass karta hai. Yeh Link Juice article ki ranking me help karta hai aur domain authority ko bhi improve karta hai. As a blogger aap no follow tag rel=”nofollow” use karke link juice ko paas hone se rok sakte hain.

#2. Nofollow Link : Jab koi website kisi dusri website ko link karti hai par ush link ke paas nofollow tag hota hai, to link juice paas nahi karta. Page ki ranking ke liye nofollow links useful nahi hain kyunki wo kuch bhi contribute nahi karte hain. Aam taur par, ek webmaster nofollow tag tab use karta hai, jab wo kisi unreliable site se link out karta hai. Jaise dusre blogs par comments se jo links aate hain.

#3. Do-Follow Link : By default, wo sabhi links jo aap blog post me add karte hain, wo do-follow links hote hain aur ye link juice pass karte hain. Agar aap apne website ya blog to aap rel=”dofollow” tag ka use kar sakte hain.

#4. Linking Root Domains : Aapki website par kisi unique domain se kitne backlinks aa rahe hain, ye usko refer karte hain. Even yadi koi website se 10 times ya ussey adhik baar link karti hai to fir usey linked root domain consider kar liya jayega.

#5. Low Quality Links : Low quality links wo ye links hain jo ki automated sites, spam sites, harvested sites aur porn sites se aate hain. Ye links aapki blogs ya website ko bahut nuksaan pahunchate hain. Ye ek reason hai ki aapko backlinks purchase karte samay saavdhani rakhni hogi.

#6. Internal Links : Wo links jo same domain ke andar hi ek page se dusre page ko link karte hon, Unhe internal Links kaha jaata hai aur ish process ko internal linking kaha jaata hai.

#7. Anchor Text : Wo text jisey hyperlink ke liye use kiya jaata ho, usey anchor text kaha jaata hai. Anchor text backlinks tab badhiya work karte hain jab aap particular keywords ko rank karne ke liye try kar rahe hon.

Backlinks Banane Se SEO Me Kya Benifit Hota hai.

Backlinks ke benifit ki baat karne se pehle main aapko ye bata dun ki kuch saalon me backlinks me bahut kuch badal gaya hai.

Haan ek samay tha jab low-quality backlinks bhi site ki ranking me help karte they. Par jabse google ne apni penguin algorithm ko roll out kiya hai tab se backlinking me bahut kuch badal gaya hai.

Quality Sites se backlinks aapka backlinks hona jaruri hai aur ye backlinks bhi contextual hone chahiye. Jaise ki aapki sites Games ke baare me hain to aapko backlink bhi games jaisi sites se mila ho.

Ab ye jaan lete hain ki aapko website ya blog ke backlinks banana kyu jaruri hai.

 

1. Organic Ranking Improve Hoti Hai:

Backlinks search engine me better rankings me aapki bahut help karte hain. Yadi aapka koi bhi content, dusri sites se organic links prapt karta hai to naturally hi wo content search engine me higher rank prapt karta hai. Waise humara goal Homepage, ke saath page ya post ke liye bhi link create karne ka hona chahiye.

2. Site Fast Index Hoti Hai:

Backlinks search engine bots ko aapki site ke links discover karne aur unhein effectively crawl me help karte hain. Especially, ek new website ke liye, backlinks prapt karna jaruri hoti hai, Kyunki ye  sites ki faster discovery aur indexing me help karte hain.

3. Referral Traffic:

Backlinks ka ek major benefit ye bhi hai  ye referral traffic (Traffic jo aapke blog par  search engine se nahi aata balki kisi aur blog ke link ke through aata hai ) laane me help karte hain.

Aam taur par referral traffic targeted hota hai aur iska  bounce rate (bounce rate aapke website aane waale visitors ka wp percentage hai jo aapke post ko bina padhe hi back ho jaate hain) kam hota hai.

Backlinks Kaise Banayein?

Ab aapko backlink ka matlab samjh aa gaya hoga kyunki ye SEO se related hota hai. Ab aapko batate hain ki backlink generate karne ke kuch simple techniques kya hain.

Ek important baat jo aapko yaad rakhna hoga SEO me number of backlinks matter nahi karta balki links ki quality matter rakhti hai.

Yadi aap apni site ke liye links banane ke liye kisi paid service ka use karte hain to aapko Google Penguin’s algo ke dwaara penalized kiye jane ki sambhawna hai.

Quality Backlinks Banane Ke Tarike Kya Hain?

  • Best Articles Likhein
  • Best Blogs ya website par comment karein
  • Site ko Web directories me submit karein

1. Best Quality  articles Likhein:

Ye aapke blog ke liye blacklinks banane ka sabse accha tarika hai. Tutorials ya Top 10 types ke articles badhiya example hain. Aise articles ke liye aapko articles par proper research karne ki jarurat hoti hai. Ye bahut accha tarika hai websites se refrences kae taur par backlinks prapt karne ka.

2. Comments Karna Shuru Karein :

Comments backlinks prapt karne ka sabse accha aur badhiya tarika hai.

Dofollow forums, Dofollow blogs aur  WordPress blogs par bhi  top commentator plugins ka use karke commenting karna start karein.

Waise kuch bloggers ka ye bhi mannna hai ki  nofollow links itna matter nahi karte, par kisi blog par commenting karne parlink juice banane me benefit hoga.

 

3. Site Ko Web directories Me submit Karein :

Apne blog ya site ko web directories me submit karna backlinks prapt karne ka ek best aur easy tarika hai. Par ye method aajkal popular nahi hai kyunki legal web directory find karna koi easy baat nahi hai.

Note: Waise Ye tarika itna effective nahi hai, Lekin iska thoda bahut fayda aapko mil jaata hai. To aap isko apna sakte hain. 

Yadi aap koi automatic direct submission tactics ka use kar rahe hain to karna abhi band kar dein. Aapki website spam ke taur par appear hoti hai aur issey aapki site ranking me problem ho sakti hai ya blog search engine se bhi remove kiya jaa sakta hai.

Ye Bhi Padhein

Tumblr Par Custom Domain Name Kaise Add Karein?

Google Maps Par Business Listing Kaise Karein?

 

 

Mujhe ummid ish post me backlinks se jude basics aapko clear ho gaye honge, to aap bhi apni website ya blog Backlinks banane ki ye strategy apna sakte hain.


Nitish Verma

I am Nitish Verma digital marketing and social media expert. I have 3 Years Experience in Search Engine Optimization, Blogging and Web Designing.

1 Comment

rovin singh chauhan · October 5, 2018 at 12:41 pm

backinks ke uper apne bahut he badiya post likhi hai nitish ji.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.