Aap Ye acche se jaante hain ki aapki Blog ya website ko Search Engine me rank karwane ke liye ya traffic badhane ke liye Search Engine Optimization (SEO) karna bahut jaruri hota hai. Agar aapko website ya blog chalane ka thoda bahut anubhav hai to aapne White Hat SEO aur Black Hat SEO ke bare me suna hoga. Agar aap new blogger hain, to ho sakta hai aapko inke difference ke baare me pata na ho. Aaj ke post me hum Black Hat SEO aur White Hat SEO Me Kya Difference Hai iske baare me batayenge, Saath me aap ye bhi janenge ki ye aapke SEO par kish trah effect daalta hai.

Black-Hat-SEO-aur-White-Hat-SEO-Me-Kya-Difference-Hai

Maine kai aise blogs ya bloggers ko suna hai padha hai website ki ranking ko better karne ke liye wo “Backlinks” ke baare me batate hain. Aapne bhi suna hoga ki acche Backlinks se aapki site ki ranking better hogi. Bahut se site aapko aisi service bhi offer karte hain, Ki aap itne pay karo hum thousands of sites se aapko backlinks denge. New bloggers aisi service purchase bhi kar lete hain.

Lekin hota kya hai aapki Search Rank improve hone ki jagah bekaar ho jaati hai. Kyunki baad me pata chalta hai ish trah ke links spam ya automated websites se aate hain jo ki accha karne ki jagh bura kar jaate hain.

Google inhe penalize bhi karta hai, Lekin isme puri galti un new bloggers ki bhi nahi hai. Kyunki unke paas paryapt information nahi hoti hai, Agar hoti bhi hai to galat. Aap ye kyu nahi samjhte ki blogging me website ki ranking badhane ka koi shortcut nahi hai. Ranking improvement bahut se factor par depend karta hai jo slowly slowly aapke site ki rank ko improve karta hai. Aap raton raat apni site ko grow nahi kar sakte.

Abhi hum Black Hat SEO ke baare me jaanenge. Ye aapke alawa dusre new bloggers ko bhi mistakes karne se bachayega. Isey aapki seo practice bhi acchi hogi.

Black Hat SEO technique wo hain jinka favor nahi kiya jaata hai aur ye galat mana jaata hai. SEO implementation me bhi isko galat mana jaata hai. Bloggers community ne to  kabhi Black Hat SEO ko sahi nahi maana. Haan iske opposite hai White Hat SEO jiska humesa se use log karte hain. Aur ye White Hat SEO technique sahi bhi hai.

 

Black Hat SEO Aur White Hat SEO Me Difference Kya Hai?

Ye to hum sabhi jaante hain ki kisi kaam ko karne ka ek right way hota hai aur wrong way bhi hota hai. Yahi chij SEO Techniques par bhi laagu hoti hai. Internationally rup se SEO Professionals ya agencies kuch criteria, parameters aur rules aur recommended trends ko follow karte hain. Jinhe sabhi bade search engines ki traf se swikaar kiya gaya hai. Inhi search search engines ki traf se banai gai guidelines me jo seo techniques hain usey hi hum White Hat SEO kehte hain.

Lekin problem tab start hoti hai jab log White Hat SEO ko ish trah use karte hain ki wo Spam ki trah fail jaata hai aur dekhte dekhte hi wo Black Hat SEO ban jaata hai ya fir jisey search engines accept nahi karte hain. Isi trah White Hat SEO ko galat rup se use karne ka ek example hai Back Link Building. Wanhi Guest Posting aur Article Directory submission jo ki ek trah ki blogging hua karta tha, Back Link building ke wajah se band kar diya gaya.

Ek trah se, Black Hat SEO ko humesha  kam samay me search engine me accha rank karne liye use kiya jaata hai aur Black Hat SEO techniques ka sabse bada nuksaan ye hai ki wo long term ke liye kaam nahi karti. Wanhi agar aap Black Hat SEO ka use karte hain to unhe search engines ki traf se blacklisted kar diya jaata hai. Aaiye ab kuch normal Black Hat SEO methods ke baare me jante hain jinka use aajkal hota hai.

 Black Hat SEO Techniques

Black Hat SEO techniques me bahut se aise Techniques ka use hota hai jo trusted SEO Professionals ki traf se acceptable nahi hai. Main yanha kuch shortcuts aur Faulty SEO techniques ki list de raha hun jo galat hai. Aap inka bhul kar bhi use na karein. Agar aap aisa kar rahe hain to isko band kar dein.

 

Meta Tag Stuffing

Kisi bhi SEO Process ko karte samay jo meta tag keyword likhte hain ush samay ish baat ka dhyaan rakhna chahiye ki aapke page me jo content diya gaya hai wo keywords usi ko represent karein. Kisi bhi ek keyword ka meta tag me hadd se adhik use Meta tag stuffing ki trah maana jaata hai.

Keyword Stuffing

Aapke post me targeted keyword kitna hona chahiye iska koi fix parameters nahi hai. Ish baat ko lekar kai debates bhi huie hain. Lekin SEO Professionals aur seo plugins ke according 2-3% keyword density ko hi prefer karte hain. Apne page me bahut adhik keyword density ko badha lena bhi galat hai. Search Engine Boats ko bhramit karne ke liye ya dhokha dene ke liye adhik keyword ka use karna galat hai jo keyword stuffing kehlata hai.

Cloaking

Kuch Blogs ya website search engine ya visitors ke liye ek hi page do version banate hain. Jab search engine spider ya boat in pages ko crawl karta hi to page banane ke process se to wo satisfy ho jaata hai, Lekin Visitors ko display kuch aur hi hota hai. Yahi Process cloaking kehlata hai.

Doorway or Gateway Page

Yeh low quality web pages hote hain. Ye aise web pages hotey hain jo bahut short hotey hain lekin keyword stuffing se bahri huie hotii hai. Search Engines aise pages ko jaldi hi ban kar dete hain. Aise Poor qualty ke page banane ke process ko hi Doorway ya Gateway page kaha jaata hai. Aisa page mostly kanhi se copy kiya hua hota hai.

 

Mirror Websites

Ye sabse bekaar seo technique hai. Isme ek insaan kai websites create karta hai lekin sabhi websites par content ek jaisa hi hota hai.

Page Hijacking

Page Hijaking aisi technique hai jisme dummy, Bogus content ya copy karke content banata hai jisey crawler ke samne original content ki trah pesh kiya jaata hai. Aur yeh user ko fraud website par bhej deta hai.

Ye kuch aisi techniques hain jo black hat seo ke under aati hain jinhe hume avoid karna chahiye. Ye aapke site ya blog ko nuksaan hi pahunchati hai.

White Hat SEO Techniques

Ab aaiye baat karte hain kuch White Hat SEO Techniques ke baare me. Jish trah se hume kuch seo techniques ko avoid karna chahiye thik usi trah kuch SEO Techniques jinhe hume follow bhi karna chahiye. Website ko SEO Friendly banane ke ke liye ye methods use karna bahut jaruri hai. In techniques ko hum White Hat SEO Techniques kehte hain.

Follow Search Engine Guidelines

Ye SEO ke liye sabse pehla aur jaruri step hai ki aap search engine ki guidelines ko follow karein. Aapko ye samjhna hoga ki apni website ko search engine me submit karne se pehle unke guidelines ko aap follow karein. Agar aap in guidelines ko follow nahi karte hain to iska ulanghan aapko bahut bhari pad sakta hai. Aap Google Webmaster guidelines ko yanha dekh sakte hain.

No Copy Paste

Ye White Hat SEO ke liye sabse jaruri chij hai aur aapki website ya blog ke liye bhi. Jitna hosake 100% apne research ke saath original content post karein. Copyright content se aapki  site  Search engine me rank nahi kar sakti. Aapka post jitna unique aur original hoga aapko utna hi search Rank me upar aane me help milegi. Saath hi aapke visitors bhi constantly bane rahenge.

Visitor Friendly Content 

Visitor Friendly content se mera matlab hai website me jo aapne image aur content post ki hai wo content visitors ke anusaar hi ho. Bekaar ke image ya aisa content na dalein jo visitors ko aapke page par aane ke baad maupulate kare. White Hat SEO ke liye jaruri hai ki aapne jis bare me content likha hai wahi visitors ko miley.

Good quality content

Ye to aap ne har jagah dekha hoga, Content is King. SEO technique aapke content par hi to based hota hai. Aap jitna accha Visitors friendly aur good quality content dalenge jo informative aur helpful ho wo search engine me accha rank karega.

Good quality web pages

Aapke site par Good quality pages bhi hine jaruri hain, Aisa isliye ki agar search engines ki algorithms me kuch changes bhi hotey hain to aapki site acche positions par rank karti rahe.

To ab aap samjh hi gaye honge aapko Black Hat SEO ko avoid karna hai  aur White Hat SEO techniques ko apnana hai. Jaisa ki search engine me changes hotey rehte hain to isme ye aapki site ko long term tak rank karne me help karegi. Haan iske liye jaruri aap apni website ko optimize karte rahein.

Ye Bhi Padhein.

Off Page SEO Kya Hai? Off Page SEO Techniques 2018

Website Ka SEO Kyu Karein?

Bounce Rate Kya Hai Isey Kaise Decrease Karein

Social Media Account Website Ke Liye Kyu Jaruri Hai?

 

Ish post ke baad bhi agar aapke man me Black Hat SEO aur White Hat SEO se juda koi swaal ho ho ya koi confusion ho to aap hume comment me puch sakte hain. Agar aap bhi apne site ka SEO karwana chahte hain to aap mujhse contact kar sakte hain ya mujhe mail kar sakte hain. Post ko share kijiye jissey dusro ki help ho sake Dhanyawaad.


Nitish Verma

I am Nitish Verma digital marketing and social media expert. I have 3 Years Experience in Search Engine Optimization, Blogging and Web Designing.

1 Comment

Akshay verma · June 4, 2018 at 8:09 am

Nice and an informative article!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.