Kya aap free me apni  blog ya website ko host karna chahte hain. Agar haan to aap sahi jagah hai. Aaj ke post me hum aapko batayenge ki Blogger Par Custom Domain Name Kaise Add Karein? Blogger ya Blogspot.com Google ka ek product hai janha aap free me apne blog ko bana sakte hain. Agar aap ek beginner hain, Ya blogging ke liye hosting nahi lena chahte to aap Google ke ish platform ka use kar sakte hain jo ki bilkul free hai.

Blogger par free me apni blog to bana sakte hain lekin jo aapki site ka address hota hai wo kuch ish trah ka hota hai. shreematavaishnodevi.blogspot.com. Yanhi ki jo url hota hai usme aapke domain ke aage .blogspot.com ko add kar diya jaata hai. Aaj ke post me hum aapko batayenge ki kaise blogspot.com ko replace karke aap replace karke apna custom Domain Name yanha add kar sakte hain.

Lekin shuruaat karne se pehle aapko samjhna hoga ki Domain Name Kya hai? Kaise kaam karta hai. Aur Domain Name Purchase kaise karte hain?

Domain Name Kya Hai ? Full Guide in Hindi

Domain Name Purchase karne ke liye aap kisi bhi acche Domain registrar company Jaise Go Daddy, BigRock, Google Domains ka use kar sakte hain. Yanha aap in post par click kar ke jaan sakte hain ki ek accha domain kaise purchase karein.

GoDaddy Se Domain Kaise Register Karein Step By Step Guide

Buy Domain With Google Domain- Google Se Domain Kaise Purchase Karein?

BigRock Se Domain Purchase Karein 99₹ Me

Blogger Par Custom Domain Name Kaise Add Karein Step By Step Full Guide

Yanha main aapko bataunga ki Go Daddy se Domain Purchase karke ke aap apne Blog par Custom Domain name kaise add karenge. Iske liye Sabse pehle hume ek blog create karna hoga.

Blogger Par Blog Kaise Create karein?

#1. Sabse pehle aap apne browser me https://www.blogger.com par jayein. Aur apni gmail id se sign in kar lein.

#2. Blogger.com open hone ke baad Create New Blog par click karein.

#3. Create a new blog karne ke baad jo screen open hoti hain yanha aapko kuch Details daalne hote hain.

#4. Blog Title:- Yanha Apne Blog ka Title Enter karein.

#5. Blog Address:- Yanha apne blog ka address enter karein. Jo ki unique ho. Yanha jo address aap dale hain wo aapko Blogspot.com ke saath milta hai.

#6. Blog Theme:- Ab yanha apne liye kisi bhi blog ke theme ko choose karein.

#7. Create Blog par Click kar dein.

Blogger-Par-Custom-Domain-Name-Kaise-Add-Karein

Lijiye aapka blog create ho gaya hai. Abhi jo aapne blog create kiya hai uska url blogspot.com ke saath hota hai. Ab baari hai ish Blogspot.com ki jagah apne custom Domain ko add karne ki.

Blogger me custom Domain Add kijiye.

Ab yanha aapne jo domain name purchase kiya hai. Usko apne browser ke different tab me open kar lijiye. Maine Go Daddy se Domain Purchase kiya hai. To main usi ke base par aapko bataunga. Waise ye process lagbhag sabhi me same hota hai, Chahe aap koi bhi domain registrar company se domain purchase kar ke use kar rahe hon.

#8. Apne Go Daddy account ko sign in kijiye.

#9. Go Daady ko sign in karne ke baad visit to my account par jaiye. Yanha click karte hi aap apne product page par aa jayenge.

#10. Yanha Jo aapne domain purchase kiya hai. Uski DNS (Domain Name System) me aapko kuch changes karne honge. To DNS par click kar dijiye.

#11. Ab aap fir se blogger.com par jayein. Yanha left site me aapko Setting ka option show hoga usme basic settings me jayein. Yanha set up 3rd party url for your blog par click karein. Yanha Third-party domain settings me apna domain name enter karein.

 

Ab next tab me jo Go Daddy open kiya hua hai wanha DNS me add par click kar dein. Add par click karne ke baad.

Type Me CNAME ko select karein. CNAME Ko select karte hi aapke samne 3 Host aur Points to ka column open ho jaata hai.

Ab Blogger tab me Jayein.

Name, Label or Host field Destination, Target or Points To field
www ghs.google.com
uegu3fc2hmnd gv-vjzlx4xv6ro6xx.dv.googlehosted.com

Yanha Host Field ka code – “www” ko copy karein aur aur go daddy ke host column me paste kar dein.

Fir Points to field ka code copy karein “ghs.google.com” aur usko go daady ke Points to cloumn me paste kar dein Fir save kar dein.

Ab dubara se go daady DNS me “Add” par click karein Type me CNAME select karein, aur Host Field ka code jo aapke blogger par dikh raha hai “uegu3fc2hmnd” usko host column aur Point to field ka code blogger se copy karein usko bhi Points to me paste karke save kar dein.

Aur Blogger me bhi save ka button click kar dein. Ye aapka domain setup ho gaya. Ab blogger par aakar View blog par click karein. Ab aap dekhenge ki aapka custom domain name set ho chuka hai. Aapke url me ab .blogspot.com ki jagah aapka domain aa raha hai.

Kabhi kabhi ye setting puri hone ke baad bhi 24 Hours tak waqt lag jaata hai. Aise me aapko ghabrane ki jarurat nahi hai. Aapka Custom domain name setup ho jayega. Jaisa ki maine aapko pehle hi bata diya hai. Blogger bilkul free hai. Yanha aapko unlimited storage milti hai.

Aap jitni marji post, Photos, Videos host kar sakte hain. Aapko iske liye koi hosting charge nahi dena hota hai. Bus aapko apna domain name purchase karna hota hai.

Agar aapko apna custom domain name setup karne me abhi bhi koi problem aa rahi hai to aap hume comment me bata sakte hain. Ya aap mujhe contact kar sakte hain. Main  aapki help karunga.

Post pura padhne ke liye Dhanaywaad! Post ko Share kijiye taaki dusron ki bhi help ho sakein.


Nitish Verma

I am Nitish Verma digital marketing and social media expert. I have 3 Years Experience in Search Engine Optimization, Blogging and Web Designing.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.