Agar aap ek blog ya website chalate hain to ye article aapko jarur padhna chaiye. Ish post me SEO ke important factor Bounce Rate ke baare me batane jaa rahe hain. Bounce Rate kya hai Isey kaise decrease karein. Ji bilkul apne blog ki acchi traffic aur income ke liye aapko bounce rate decrease karna hoga. To aaiye jante hain sabe pehle ki bounce rate kya hota hai?

Bounce-Rate-Kya-Hai-Isey-Kaise-Decrease-Karein

Bounce Rate Kya Hai?

Bounce rate kisi particular website ya blog par visitors ki percentage hoti hai, Jo site ke kisi page par visit karne ke baad leave ho jaate hain. Agar isko detail me samjhein to maan liya aap meri blog nitishverma.com ke kisi bhi page par ek baar visit karte hain aur kanhi aur chale jaate hain.

For Example meri site nitishverma.com ka Bounce Rate 70% hai, Ishka matlab ye hua ki humare site par jo total visitors hain unme  70% aise hain jinhone humare site ka koi ek hi page visit kiya aur exit ho gaye.

Ab aap ye soch sakte hain kisi website ka bounce rate jitna kam hoga. Ye utna hi badhiya hoga. Jaisa ki maine aapko bataya meri site ka bounce rate 70% ishki wajah ye bhi hai ki site abhi new hai aur paryapt post bhi nahi hain jo users ko rukne par majbur kar de.

Agar Hum ideal bounce rate ki baat krein, to wo 10% se kum hota hai. 10% se kam bounce rate acheive karne wali site Laakho me koi ek hoti hai. Agar aapki site ka Bounce Rate 90% se adhik hai to aap ye samjh lijiye ki aapki site par logo ka intrest naa ke brabar hai. Normally Jo Medium Level ki websites hain unka Bounce Rate 40% se 80% ke bich hota hai.

Ab aaiye jante hain ki normally kis trah ke websites par kaisa bounce rate aata hai. Yanha main kuch aankde present kar raha hun.

Types Of Websites  Bounce Rate in Percentage (%)
Content Websites 40-60%
Lead Generate Websites 30-50%
Blogs 70-98%
Retail Business Websites 20-40%
Service Provider Websites 10-30%
Landing Pages 70-90%

 

Ek baat yanha maine aapko pehle hi bata di hai ki bounce rate jitna kam hot hain. Utna badhiya hota hai. Ye aap bhi janate hain ki traffic lana thoda to aasan hai lekin bounce rate kam karna ussey muskil hai. Kyunki ynah aapko visitors ko rok ke rakhna hota hai. Unhe others pages par click karne liye motivate karna hota hai.

Yun kahein to aapne koi bahut badi event host ki bahut log aaye aur main door se hi laut gaye to event host karne ka fayda aapko milega? Nahi….  Agr event intresting hua to log khud hi rukenge. Same aisa hi Bounce rate kam karne ke liye bhi hai.

To aaiye jante hain ki apni site ke bounce rate ko aap kaise decrease kar sakte hain. Iske liye kaun se tips aap use kar sakte hain.

Bounce Rate Decrease Karne Ke Tips 

Agar aap Google Search karein to Bounce Rate Decrease karne ke aapko kai tips milenge, Different blogs par different tips milenge.  Par maine kai blogs par ish topic par research kiya aur apne experience ke base par Bounce rate decrease karne ke tips share kar raha hun.

1. Right Visitors Ko Identify Kijiye Aur Unhe Attract Kijiye.

Kabhi aapka main goal aapki website par visitors ko badhane ki nahi balki target audience ko attract karne ki honi chahiye.

Aap khud decide kar sakte hain koi vyakti fashion ko pasand karta hai, to wo Technology ya Games ki website open karna pasand nahi karega. Isliye apni website par kewal unlogon ko target karein jo aapke website niche se related hon.

# Isliye aap apne website ke content ke liye Right Keywords ka chunaaw kijiye.

# Apni Website ya blog par kai are unique content  ke saath multiple pages ko create kijiye.

# Search Engine me show hone ke liye badhiya Meta Description aur Title likhiye.

# Agar aap targeted traffic exposure chahte hain to advertising ka bhi use kar sakte hain.

2. Website Ki Usability Ko Better Banaiye.

Koi bhi vyakti aisi Website ko open karna pasand nahi karega jiski look acchi na ho ya fir jisme pages ya post ko browse karna experience accha na ho.

Yadi kisi site ki navigation acchi na ho to logon ko usey browse aur surf akrne me kaafi problem hoti hai. Aapko Site ka design aisa rakhna hoga jisme visitors ko aane par browse karna accha lage.

Humesha Badhiya Fonts ka chunaaw kijiye aur text size aisa rakhein jisey aasani se padha jaa sake. Usey padhne me koi dikkat nai honi chahiye.

Apne website me bahut adhik Bright ya light colors ka use na karein.

Apni website ki theme me colors aur visual objects ka combination kuch aisa rakhein jo visitors ko accha lage, Wo aapke site ko browse karna chahein.

Responsive Website design bahut hi jaruri hai. Responsive website har trah ke display size par aasani se open hota hai. Aaj aapko apni website ko mobile friendly rakhna bahut hi jaruri hai. Kyunki Mobile Friendly website ko aaj kal desktop se adhik traffic milta hai. Google bhi aisi websites ko recommend karta hai.

3. Page Load Time Ko Reduce Kijiye

Page Load Time kisi bhi website ka ek bahut important factor hai. Agar website ka loading time kam hoga to Search Engine me bhi higher rank lane me aapko bahut help milegi. Ye bhi Website SEO ka ek important Factor hai.

4. Website Pr Quality Content Provide Karein.

Quality Content Provide karna kisi bhi website ya blog ki reputation ko badhata hai. Agar aap Quality content likhte hain to aap apni website ka accha user base bana sakte hain. User se  aapki website se long term relationship bana rahrega, aur aapki website successfully run hoti rahregi.

Iske alawa aapki website ke har page me  Unique Motive content hona chahiye.

Aapko apke content me proper headings aur subheadings ka use karna chahiye.

Content me particular niche readers ko target karein aur iske liye niche specific keywordds ka hi use karein.

Apne website ke content ko Error free rakhein.

Apne content me Media files jaise Image ya videos ka bhi use karein.

Ye Kuch aise Tips hain jinka use karke aap apne website ya blog ka bounce rate decrease kar sakte hain. Ye kisi bhi serious blogger ya website ke liye bahut jaruri hai.

Ye Bhi Padein.

Top 10 Digital Marketing Blogs in India

Website Ka SEO Kyu Karein?

Google Webmaster Tool Ka Use Karke Blog Ka Search Engine Optimization (SEO) Kaise Karein?

Blogging aur Digital Marketing se jude tips ya services  ke liye aap humare website par visit karte rahein. Post Ko share kijiye jissey dusron ki bhi help ho sake Dahanyawaad. 

 

Summary
Bounce Rate Kya Hai Isey Kaise Decrease Karein?
Article Name
Bounce Rate Kya Hai Isey Kaise Decrease Karein?
Description
Bounce Rate Kya Hai Isey Kaise Decrease Karein? Bounce Rate Kya Hai? Bounce Rate Decrease Karne ke Tips. Bounce Rate Reduce kaise karein?
Author
Publisher Name
NITISHVERMA.COM
Publisher Logo

Nitish Verma

I am Nitish Verma digital marketing and social media expert. I have 3 Years Experience in Search Engine Optimization, Blogging and Web Designing.

1 Comment

Nagesh Lingayat · May 22, 2018 at 6:58 am

Nice Article!

Leave a Reply

Your email address will not be published. Required fields are marked *