Agar aap thode bhi tech friendly hain to “Domain Name” ish word se aap jarur prichit honge. Aap Blogging kar rahein ho ya aapko business ke liye website chahiye domain name ki jarurat padegi hi.   To aaiye janate hain domain Name ki baare puri jaankari. Domain Name Kya Hai? Post ko last tak padhiye aapko kai interesting jaankari yanha milne waali hai.

Domain-Name-Kya-hai-Full-Guide-in-Hindi

Domain Name Kya Hai?

Domain Name aapki website ka naam hai. Agar sidhe shabdon me kahein to jo aapke website ke url ka naam hai usey hi domain name kehte hain. Domain Name ek address hota hai jissey user aapke website ko access kar sakte hai. Domain name ka prayog internet se jude kisi computer ki pehchaan aur khoj karne ke liye ki jaati hai. Ab Computer IP Address ka use karta hai jo numbers ke kuch series hotey hain. Aur insaan ke liye ye numbers of strings yaad rakhna mushkil hai. To aise hum keh sakte hain ki domain name ko isilye develop kiya gaya ki insaan ko ye numbers of strings (IP Address ) yaad rakhne ki jarurat na pade.
To hum keh sakte hain ki domain name Words, Letters aur numbers se taiyaar hota hai jiske liye hume server ke IP address ko yaad rakhne hi jarurat nahi hoti hai. Jaise ki aap Browser me aap type karte hain nitishverma.com jo user ko ek dedicated server IP (104.27.143.97) par transfer kar deta hai, Aur aapke samne site open ho jaati hai.



Ab Domain Name Ke bare me aage chalne se pehle yanha main aapko domain ke components ke baare me bataunga. Ek Domain Name jo strings wo dot(.) se separated hotey hain. Jo 2 ya 3 part me ho sakte hain ye aapki website par depend karta hai. Main Samjhata hun Confuse Hone ki jarurat nahi hai….
Domain name ka Genral Syntax Structure hota hai wo machine_name.subdomain.domain.tld ish trah se hota hai.
www:  Machine Name
Nitishverma:  Midlevel Domain
.COM:  TLD top level domain

Ab Aaiye domain Ke Components Ko Samjh Lete Hain.

1. Machine Name – www machine name hai. Waise ab iska prayog lagbhag khtam hi ho rah ahi. Aur sach kahein to iski jarurat bhi nahi hai. “www” aapki site ke HTML file ke bare me batata hai. Jaise ‘ftp’ other server pe file ko transfer karne ke liye hota hai.
2. Mid Level Domain– Mid level domain domain name ka sub domain part part hota hai. Ye aapke domain ka sabse recognizable part hota hai, Saath hi ye aapke domain ko dusre domain se alga karta hai. Jaise ek udharan ke liye en.m.wikipedia.org ‘wikipedia’ Parent Mid level domain hai aur ‘en’ and ‘m’ sub domains hain jo English version aur Mobile version ko darshate hain.
3. Top Level Domain (TLD)– TLD domain name ka bahut important part hai. TLD domain name ka sabse last hissa hota hai. Jo aapki site ko search engine me rank karane me bahut helpful saabit hota hai. Top Level Domain jaise aapne .COM, .ORG ke bare me pata hi hoga. Country ke hisaab se bhi TLD alag hote hain jaise .IN, .CO.IN ab kuch new generic TLD’s jo bahut Famous ho rahe hain. Jaise .GURU, .Me, .Today
Best and Popular TLD’s
.COM (Commercial )
.ORG
.NET (NETWORK)
.GOV(GOVERNMENT)
.BIZ(BUSSINESS )

gTLD aur ccTLD Domain Names Me Kya Difference Hai?

gTLD- Generic Top Level Domains kisi Geography ya Country ke base par nahi hotey hain. Aur ye Search engine me jaldi Ranked hotey hain. Agar kisi blog ya website ko globally rank karna hai to unhe gTLD domains hi use karne Chaiye. For example .com, .net, .org, .info etc
ccTLD- Country Code Top level Domain particular kisi region ya country ko target karta hai. For Example .co.in, .au, .pk etc Ye Kisi country ke two letter ISO Code par aadharit hota hai.

Domain Name Ki History

1995 Se pehle domain name registered karna bilkul free tha aapko iske liye koi charge nahi dene hotey they. Koi bhi vyakti domain registered kar sakta tha free me ush time me kisi domain registrar ki bhi jarurat nahi padti thi.

Iske baad bahut kuch badal gaya, NSF (National Science Foundation) se awarded tech company Network Solutions ko ye jimmedari di gai ki Domain Name ke registrations ke liye charge liya jaye. Ish trah se Network Solutions duniya ki pehli domain registrar company ban gai.
Iske baad 1998 me DNS ko puri trah se US government control karne lag gai. Us samay President Clinton ke saath huye debate aur arguments ke baad DNS ka partially privatized kar diya gaya aur ek Non Profit sanstha bana gai jiska naam diya gaya ICANN. Sabse Pehla Domain 15 March 1985 ko Symbolics Inc. Ne symbolics.com ke naam se karwaya tha. 1985-1988 ke bich total 300 domains registered huye.

ICANN Kya Hai?

ICANN ka Full Form hai Internet Corporation for assigned names and Numbers jo government se swatantra kaam karti hai aur domain name registration ke liye internationally guidelines aur policy develop karti hai.
ICANN Global DNS par work karta hai. New TLD’s create karta hai. Root Name Servers ko operate karta hai, Saath hi regional Internet registries ke liye IP Spaces aur IP block mange aur assigned karti hai.
Yanha main aapko bata dun ki ICANN Domain registered nahi karti. Ye Domain registrar company like Go Daddy ko authorize karti ki aap fee lekar domain ko sell ya distribute kar sakte hain.

GoDaddy Se Domain Kaise Register Karein Step By Step Guide

Top Domain Registrar Companies

Domain Name Registrar   –         Website Domain Names 
1 Godaddy                                           Godaddy.com 
2 eNom                                                Namecheap.com
3 Tucows                                             Hover.com
4 Network Solutions                      Networksolutions.com 
5 1&1 Internet                                   1and1.com 
6 HiChina                                            Net.cn 
7 Directi Internet Solutions          Bigrock.com 
8 eName                                                Ename.net 
9 GMO Internet                                  Onamae.com 
10. Reseller Club                                 india.resellerclub.com

Domain Name Aur URL Me Kya Difference hai?

Domain Name aur url same nahi hota. Domain name ek chota sa hissa hota jabki URL me ek pura address hota hai. Url ka matlab hai uniform resource locator. Url ke andar Machine name, Folder name, page address aur protocol language sabhi ki jaankri hoti hai.
Jaise: http://www.nitishverma.com/
http://www.nitishverma.com/hi-i-am-google-e-book-free-download/

Domain Name Purchase Karne ke Kuch Useful Tips

#Humesa Short Domain name ko choose karein jo yaad rakhne me aasan ho. Bahut lamba domain name choose na karein.
#Domain name humesa aise choose karein jo ki aasani se yaad rakha jaa sake, Blone me easy aur type kane me bhi aasan ho.
#Aapka domain kisi dusre se milta julta na ho kehne ka matlab domain name unique hona chahiye.
Humesa kosis karein ki domain name me Special Characters ya numbers ka use na ho.
#Top Level Domain ka chunaaw kijiye. Jissey global identity ban sake.
#Aapka domain name aapke business se milta julta hona chahiye taaki aap apne brand ko aage badha sakein.

Ye Bhi Padhein

Tumblr Par Custom Domain Name Kaise Add Karein?

GoDaddy Se Domain Kaise Register Karein Step By Step Guide

Blogger Par Custom Domain Name Kaise Add Karein?

Blogspot Vs WordPress Vs Tumblr Kaun Sa Blogging Platform Best Hai?

Mujhe ummid hai jo new bloggers hai ya Jo new website ya blog banana chahte hain. Unke liye ish post ko padh kar domain ko samjhna aasan ho gaya hoga. Agar aapko Domain se related koi confusion hai ya question hai to hume comment me jarue batayein. Agar Domain purchase karne ko lekar koi problem aa rahi hai to humse contact karein ya comment mu puch sakete hain. Post ko share kijiye jissey dusron ko bhi ye jaankari mil sake Dhanayawaad.


Nitish Verma

I am Nitish Verma digital marketing and social media expert. I have 3 Years Experience in Search Engine Optimization, Blogging and Web Designing.

1 Comment

Dr. Anand Bhardwaj · June 22, 2018 at 10:42 am

Hello guys very informative information thank you for sharing

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.