Kya Aapko Pata hai Ek Domain Name Internet par aapki Online Pehchaan banane me aapki kitni help karta hai. Domain name ka use karne ke baad aapke Business ko ek online support mil jaata hai. Kisi Bhii Domain ko Choose ya Purchase karne se pehle humesa ish baat ka dhyaan rakhein ki wo aapke website aur Business Name ya brand ka ek eham part hota hai. Ish Post Me Hum Aapko Batayenge ki GoDaddy Se Domain Kaise Register Karein Step By Step Guide in Hindi. 

Jab aap ek domain Name register karte hain to ye aapke Online Identity ke saath aapke branding aur Marketing ko increase karta hai, Saath hi ye aapke customers ya aapke audience  ke saath communicate karne ki opportunities bhi deti hai. Domain Name Purchase karne se pehle aapko Domain Name Kya hai Kaise karta hai Ye Jarur Padhein.

 

GoDaddy-Se-Domain-Kaise-Register-Karein-Step-By-Step-Guide 

Agar aap apne liye Domain Register karna chahte hain, To aaj aapke bahut se option mil jaate hain. Aaj Kai aise domain Registrar Companies hain ya aisi kai Hosting Provider companies hain Jo Hosting ke saath aapko domain Registration ki service deti hai. Agar meri baat karein to mujhe Hostgator, Bigrock, Google Domains aur Go Daddy Pasand hai Domain Registration ke liye. Main apne liye aur apne Clients ke  Go Daddy Ya Big Rock se hi Domain Register karta hun, Kynki inki service India ke andar bahut hi acchi hai.

Agar aap ek new Blogger hain ya First time Domain Register kar rahe hain to Ish Post se aapko bahut help mil jayegi. Go Daddy Se Domain Kaise Register Karein Step By Step Guide in Hindi Me aapko Step by step Jankari Mil jayegi.

GoDaddy Se Domain Kaise Register Karein Step By Step Guide

To GoDaddy Se Domain Registered Karne ke liye aapko main aapko step by step jaankari de raha hun. Aap in steps ko follow karke Go Daddy se Domain Registerd kar sakte hain.

Step 1. Domain Registration ke liye aap sabse pehle godaddy.com ki Official Site par visit karein.

Step 2. Jaise hi aap GoDaddy ke Home Page par aate hain. Yanha aapko domain search bar dikhta hai. Aapko Domain Name yanha enter karna hai. Aur Search Domain par click kar dijiye. Yanha main NITISHVERMA ke naam se search kar raha hun.

GoDaddy-Se-Domain-Kaise-Register-Karein-Step-By-Step-Guide

Step 3. Ek baar jab aap Search Domain Name Button, Par Click kar dete hain. GoDaddy aapko Domain Search ke results dikhata hai. Jaisa ki GoDaddy bata raha hai “Sorry, domain name NITISHVERMA.com has been already taken.”  Agar aapka domain name available nahi hai to aap koi other Domain ya different TLD (Top Level Domain) use kar sakte hain. Jaise .com, .net, .Org, or .Co ka use kar sakte hain. Agar aapka manpasand domain nahi mil raha to koi different Domain try kijiye.  Hundreds of millions domains already registered hain aur aage bhi hotey rehte hain isliye ye step thoda mushkil hai.

Aap Yanha gaur karenge ki Page ke bottom aapke search domain se related kai saare aur bhi domain show hotey hain. Jinke aage unki price bhi likhi hoti hai. Aap chahein to to yanha se apne pasand ka domain choose kar sakte hain.

GoDaddy-Se-Domain-Kaise-Register-Karein-Step-By-Step-Guide

Step 4. Aap koi alternate domain ya different TLD wala koi domain “Add to Cart” kar sakte hain. Lekin dhyaan rakhein ki aapka domain name aapke business se hi related ho.

Step 5. Ab Jab Domain Name aapke Cart me add ho gaya hai to aap “Continue To Checkout”, Jo aapke cart me add hain.

Yanha Domain ke saath go daddy aapko aur bhi kai sari service offer karta hai. By default ye sabhi services unselected hotey hain. In addition option ko aap apne hisab se active kar sakte hain, Lekin in sab ke liye aapko kuch extra charges dene hotey hain. Yanha jo extra option aapko miltey hain unme hain.

i)Domain only: Yanha aapko cheapest Domain Registration ka option mil jaata hai.

ii) Privacy Protection: GoDaddy me aapko bahut sare help option mil jatey hain. Yanha main aapko Domain with privacy protection aur without privacy protection me kaya difference hai.

Domain registration ke samay Jo domain registrar hotey hain wo aapse aapki kuch presonal details lete hain jaise aapka naam, address aur phone number. Whois use karke koi bhi aapke in details ko dekh sakta hai. Whois free DNS tool hai jiska use karke aap Domain purchase karne wale ke personal information ya contact information ko dekh sakte hain.  AAgar aap Privacy Protection ko use karte hain to Whois ke database me information hide kar di jaati hai. Aur aapke personal details ko GoDaddy ke dwara secure kar diya jaata hai.

Agar aap chahte hain ki aapki information Secure rahe aapki jaankari public na ho to aap isko use kar sakte hain. Ya fir isko rehne de sakte hain.

 

iii) Privacy and Business Protection: Ish Option me privacy Protection ke kuch extra feature aapko mil jaate hain. Normally hota hai ki jab aapka Domain name Expire hota hai, Ye Registration ke liye available ho jaata hai. Aur agar aapka domain expire ho gaya hai aur kisi ne aapse pehle isko registerd kar liya to domain aapke haath se gaya.

Ish option ka benefit ye hai ki Domain expire hone ke 12 month tak isko kisi other ko transfer nahi kiya jaa sakega. Saath hi easily domain transferred se bhi protect karta hai.

Isme ek aur additional security hai agar accidentally aapka domain kisi aur ke paas move ho gaya hai to ish case me bhi aapki sabhi details secure rehti hai.

iv) Website Builder: Yanha aapko ek aur additional Package milta hai Website Builder or Web Hosting ka . Agar aap ish option ko choose karte hain to yanha aapko GoDaddy le saath website host karne la bhi option mil jaata hai.

Website Builder ke saath aap bina kisi Technical Knowledge ke saath bhi apni site design kar sakte hain. Yanha aapko kai saare theme bhi mil jaate hain jinka use aap apni website ke liye kar sakte hain. Agar aapko web hosting ke baare me paryapt jaankari hai to aap next option me aap web hosting ka option choose kar sakte hain.

v) Custom Email Address: Yanha aapko domain se related custom email address create karne  ka option mil jaata hai. Jaise [email protected] Aapke domain se related ek professional email address aapke business ke liye jaruri hai. Waise agar aap hosting service use karte hainto wanha aapko email id create karne ka option mil jaata hai. Agar aap koi web hosting use nahi kar rahe to yanha se email id bana sakte hain.

Agar aapko abhi bus Domain purchase karna hai to sabhi option ko “No Thanks” kar dijiye. Main bhi kisi extra option ko use nahi kar raha hun. Waise bhi maine GoDaddy se bus Domain Purchase kiya aur koi dusri Hosting Use kar raha hun.

 

 

How-to-Register-Domain-Name-with-GoDaddy-Step-By-Step-Guide

Step 6. Ab agar aapne GoDaddy ke additional Services, ko add kar liya hai to “Continue with these options” ke saath aage badh jate hain. Jo next screen open hota haiwanha aapke sabhi order ka review kar ke dikhata hai. Aap yanha chahe to kisi service ko hata sakte hain. Ya fir apne domain purchase ke year ko minimum 1 year ya ussey adhik ka rakh sakte hain. Price bhi usi ke hisab se calculate hokar saamne aayenge.

Jab aap thoda scroll down karenge to dekhenge ki aapke domain se related Different TLD waale domain bhi suggestion me dikh rahe hain. Aap chahein to wo bhi purchase kar sakte hain. Ab Proceed to checkout option ke saath aage badhte hain.

 

Step 7. Next screen me aapse pucha jaata hai ki aap godaddy ke existing customer ya new customer hain. Agar aap new customer hain to continue par press karein register as a new customer. Aap Facebook account ka use bhi Godaddy par signup ke liye kar sakte hain.

Godaddy-se-domain-kaise-register-karein-step-by-step-guide

Step 8. Ab Yanha aapko kuch basic information jaise Name, email aur address dene hotey hain. Next section me Username, Pin aur password dena hota hai. Aap ish baat ka dhyaan rakhein ki aapke dwara di gai sabhi jaankari sahi ho. Internet Corporation for Assigned Names and Numbers (ICANN) Domain name ki governing body hai Jiska anusaar aapko valid contact information (registrant, technical, billing, aur administrative) dena hota hai. Agar aap wrong information dete hain, to aapka domain cancel kiya jaa sakta hai.

Note: Yanha ek baat ka khyal rakhein aapko apna PIN humesa yaad hona chahiye. Kyunki kisi bhi problem me jab aap godaay ke representative ko call karte hain to wo aapse PIN puchte hain. Isliye Pin humesa aisa rakhein jo aapko aasani se yaad rahe.

 

Step 9. Last me ab aapko aapke Debit card ya Credit ya Net Banking jissey bhi aap paymenyt karna cahhte hain uski detail fill karni haimn.  Bottom me aap “Use as ExpressCheckout”  ko tick kar sakte hain future me kisi bhi purchase ke liye.

GOdaddy-se-domain-kaise-register-karein-step-by-step-guide

Step 10. Jab aap Continue Button ko click karte hain Next Screen me aapko details  confirm karna hai. Ek baar jab aap details confirmed kar dete hain, Fir aapko “Place your order” par click karna hai. Bus aapka order place ho gaya, Payment hotey hi Invoice aapke saamne aa jati hai aap chahein to isko save kar sakte hain. Aur Congratulations Aapka Domain Name Registered ho gaya hai.  Ab aage badhne se pehle apne Email Id ko Verify kar lein.

Mujhe Ummid hai in steps ko Follow kar ke aap bahut aasani se GoDaddy se domain registered kar payenge. Agar aapko GoDddy se Domain Registration karne me koi problem aa rahi hai to hume comment me batayein. Ya humse contact karein.

GoDaddy Se Domain Kaise Register Karein Step By Step Guide Ye post share kijiye taaki dusron ki bhi help ho sake Thanks!


Nitish Verma

I am Nitish Verma digital marketing and social media expert. I have 3 Years Experience in Search Engine Optimization, Blogging and Web Designing.

2 Comments

NADEEM HUSEN · April 5, 2018 at 11:33 am

very nice article……..
thanks for sharing

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.