Google jo ki aaj sabse badi search engine hai. Hum kisi bhi tutorial, Video, Location ya kisi bhi information ki jaankari ke liye Google ka use karte hain. Jaisa ki aapko pata hoga badlte samay ke saath Google ne bhi apne search me bahut se improvement kiye hain. Aaj kisi location koi shop, mall, hospital, hotel etc ko dhundhne ke liye hum google Maps ka use karte hain. Aaj ke Post me main aapko bataunga ki Google My business kya hai? Google Maps par apne Business ki listing kaise karein? Google Maps Par Business Listing Kaise Karein? In sabhi topics ko main apne ish post me cover karunga to post ko pura jarur padhein.

Google My Business Kya Hai?

Aaiye Sabse pehle ye jaan lete hain ki Google My Business Kya hai? Jaisa ki rojmarra ki duniya me aap kisi location ki store ko find karne ke liye Google Maps ka use karte hain. Google My Business ek aisa hi tool hai jiske help se aap Google map par apne business ki listing kar sakte hain. Business ko manage kar sakte hain. Saath hi visitors ke data ya analytics ko track kar sakte hain. Google Maps Business Listing Kya hai aap Yanha Click karke padh sakte hain. Post ko aage padhne se pehle ek baar ye post jarur padhein.  Google Maps Business Listing in Hindi

Google Maps Par Business Listing Kaise Karein? 

Aaiye ab jaante hain aakhir Google Maps par business listing hoti kaise hai? Kya hum bhi khud se apne business ko google maps par listing kar sakte hain? Google Maps Par Business Listing Kaise Karein? To mera answer hai haan bilkul hum khud se bhi apne business ki listing google maps par kar sakte hain. Jaisa ki aapko pata hoga ki bahut saari business listing site humare india me work kar rahi hain, like India Mart, Trade India, Just dial jaisi kai saari companies hain. Lekin in companies ke monthly ya yearly charges bahut adhik hain. Google Maps par apne business ko listing karna Bilkul Free hai. Aapko iske liye koi charges pay karne ki jarurat nahi hai.

Google Maps par apne business ki listing ke liye sabse pehle aapko Google My Business par apna account create karna hai. Aapni apni gmail id se google My Business account create kar sakte hain.

#Step 1. Google My Business Par Log In karne ke baad aapke Business ka naam add karein. What’s the name of your business? me apne business ka naam daal dein. Aur Next par click kar dein.

#Step 2. Iske baad aapse pucha jaata hai Where are you located? Yani ab aapko apne business ka adress fill karna hai. Then Next par click kar dein.

#Step 3. Yanha aapke saamne Google Maps open ho jaata hai janha aapke business ki location ko pin karna hai. Aap map ko zoom kar ke exact location par pin kar sakte hain.

#Step 4. Ab apne business ki category ko choose kijiye. Yanha aapke business se related lagbhag sabhi categories available hain. To business se related relevant category ko yanha daal dein aur next par click kar dein.

#Step 5. Ab aapko apne business ka phone Number aur Website add karna hai. Iske baad fir next par click kar dein. Iske baad Business verify karna hai aur finish par click kar dein.

Aapka business google maps par listed ho jayega. Aur wo google maps par show hone lagega.

Apne Business Ko Google Maps Par Verify karein

Google maps par business verify karne ke liye Verify my business par click karein. Yanha aapko Google ki traf aapko ek post card aapke business address par send kiya jaata hai. Aap post card ke liye request daal sakte hain. Post ke envelope me pin code hota hai jo enter karne baad aapka business Google par puri trah se verify ho jaata hai.

Business Verify hone ke baad aapke business se related ek google business page automatically create ho jaata hai. Janha par apne business se related post share kar sakte hain.

nitish-verma-verified-Local-Business

Yanha aap mere naam se Google Plus ka Verified Local Business page dekh sakte hain. Jiske aage aapko ek verification ka badge bhi aapko dekhne ko mil jaata hai. To ish tarike aapka business Google Maps par bhi listed ho jaata hai aur aapko ek verified google plus business page bhi mil jaata hai.

 

Yanha aap mera Business Google par dekh sakte hain saath hi mere business se related kai information bhi aapko maps par hi mil jaati hain. Jaise ki Business ka address, contact numbers aur latest offers.

Ab aap samjh gaye honge ki google par business listing karna behad aasan hai bus kuch simple steps follow karke aap bhi koi business ya services google maps par list kar sakte hain.

Agar aapko google maps me business listing karne me koi problem aati hai ya aapke paas issey jude koi sawal hain to please hume comment section me jarur batayein. Hum puri kosish karenge aapki help karene ki. Blogging aur digital marketing sikhne ke liye humare blog par bane rahein. Aur post ko share jarur karein, Jissey dusron ki bhi help ho sake. Dhanyawaad!


Nitish Verma

I am Nitish Verma digital marketing and social media expert. I have 3 Years Experience in Search Engine Optimization, Blogging and Web Designing.

2 Comments

Gaurav · September 9, 2018 at 4:50 am

kaam ki jaankari share ki hai. badiya blog hai aapka.

Hamza · September 12, 2018 at 6:21 am

NICE

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.