Hum Jab apni Blog ya website Bana lete to ek jo sabse important chij humare saamne aati hai wo hai. Google Search Engine me apne website ko kaise layein. Yani ki Google me apni Blog ko kaise submit karein? Agar aap new Blogger hain ya apne koi website banai hai to aapke liye post bahut useful hoga.

 



Google-Me-Apne-Blog-Ko-Kaise-Submit-Karein

 

Yanha main ek choti si story discuss karna chahunga aapse. Blogging aur website create karne ke baare main apne friend circle me bahut pehle se jaanta tha. To mere friend humesa puchte they ki yaar tumhara naam ya website ka naam google me search karne par kaise aa raha hai. Kya Google me apni site ka naam daalne ke liye pay karna padta hai?

To yanaha main aapko bata dun ki Google me aap apni site ya blog free me submit kar sakte hain. Aap free me apni website ko Google Search me show kar sakte hain. Ish post me aap janenge ki kaise apni Website Ko Google me submit karein? Yanha main detail me iske baare me baat karunga jissey koi bhi new blogger bhi apni website ko google me submit kar sakein.

Yanha main baat karunga Google Search Console ke baare me jisey Google Webmaster Tool ke naam se bhi jaana jaata tha. Agar ek baar apne yanha apna site submit karna samjh gaye to Google Khud aapki site ko dhund lega.

Google Search Console Google ka ek free Tool hai. Jiski help se aap apni website ko search engine ke perspective se control kar sakte hain.

Google-Search-Console.

 

Yanha aap screenshot me dekh sakte hain main apni 2 site www.technicalmitra.com aur www.nitishverma.com ko yanha submit kiya hua hai. Aise aapko bhi karna hai. Iske liye aapko property add karni hogi yani aapki site ka link add karna hoga.

Google Search Console Me Property Kaise Add Karein?

Yanha ADD A PROPERTY ka jo red button bana hai wanha click kar dena hai. Aur Jo window wanha apni site ka link paste karke isko add kar dena hai. Yani aapki property Google Search Console me add ho gai hai.

Ab baari aati hai Sitemap add karne ki jo ki sabse important factor hai. Yanha main aapko bataunga ki Sitemap file kya hai? Sitemap Submit karna kyu jaruri hai?

Sitemap Kya Hai?

Sitemap ek xml file hota hai. Ye ek aisa file hota hai jisme aapke blog ke urls hotey hain. Ye File Crawlers ko aapke blog ke sabhi urls ko dhundhne me help karti hai. Aapke site ke kai aspects ko crawlers follow karta hai. Jaise ki maine bataya sitemap me aapke website ke sabhi urls hotey hain. Search engine bots ko iske jariye aapki website ko complete index hone me bahut help milti hai.

Simply kahein to Sitemap file me aapke blog ke sabhi urls hotey hain aur ish file ko search engines ko submit karte hain. Jissey wo aapke blog ke sabhi pages ke baare me jaan sakein. Search Engine Bots aapki website Ko crawl aur index karne ke Sitemap files ko follow karte hain.

Sitemap Kaise Generate Karein?

Ek Normal website ki sitemap file generate karne ke liye hum ek online sitemap generator upyog karte hain aur isey google aur bing ki traf se diye jaane wale webmaster tool me  submit karte hain. Wanhi dusri traf hum wordpress blog ke liye plugins ka use kar sakte hain. Jissey ki new post publish karne ke baad ye  automatically humare sitmap ko update karta rahega. Ish trah se har baar hume new article publish karne ke baad har baar naya sitemap submit nahi karna padega.

Mostly aapne dekha hoga ki website ke footer me Sitemap ka link hota hai. Kai baar ye Top Menu me bhi hot hai jo ki accha hai. Issey Search engine Bots isey aasani se dhundh sate hain aur sitemap file ko read kar sakte hain. Ish trah se aapka blog acche dhang se crawl bhi ho sakega.

Mujhe lagta hai sitemap ki basic information aapko mil gai hai. Ab aaiye Next level par chalte hain.

WordPress blog Ke Liye sitemap Kaise generate Karein?

Sabse pehle main aapko ye bata dun ki sitemap kaise generate hoga ye aapke wbsite ke platform par depend karta hai, Jaise WordPress ke liye sitemap generation alag hoga aur blogger ke liye alag. WordPress me sitemap generate karne ka sabse best tarika hai SEO by Yoast plugin ki help se sitemap generate karna. SEO by Yoast plugin ko install aur active karke, uske baad Setting me jaakar SEO> XML Sitemaps me jaa kar pehli baar sitemap generate kar sakte hain.

 

 WordPress-main-sitemap-kaise-banaye

Aap Meri site NITISHVERMA.COM ka sitemap dekhne ke liye yanha click kar sakte hain. Yanha main aapko bata dun ki static sites ya other platform ke liye kai Online aur offline softwares hain jo aapko sitemap generate karne me help karenge. Aage ke post me hum ish ke baare me bhi baat karenge. Abhi hum wordpress ko lekar chal rahe hain. Ab aage badhte hain aur baat karte hain Sitemap Google me kaise submit karein.

Sitemap Ko Google Search Console Me Kaise Submit Karein?

Hum Google Search Console Tool ki help se Google me sitemap submit karte hain. Agar aap google search Console me apne site ko verify kar chuke hain. To ab aapko bus Sitemap link Submit karne ke liye taiyaar hona hai.



Apne Google Webmaster Tool Dashboard ke under right hand site me aapko “Sitemaps” naam se ek option dikhega. Sumbit kiye gaye dusre sitemap dekhne ke liye “More” par click kar dein yanha se aap new Sitemap submit kar sakte hain.

Sitemap file submit karne ke liye “Add/Test Sitemap” par click kijiye. Aur isi page page par aap yeh bhi dekh sakenge ki kaun se Sitemap Google dwara search kiye jaa sakte hain.

Jish type ka aapne sitemap file generate kiya hai, Wo aap yanha se submit kar sakte hain. Agar aap aisi site chala rahe hain jisme image ya attachments hain to aap image ya attachments ka bhi sitemap generate karke submit karein. Isme video sitemap bhi aata hai.

Haan agar aapki blog ya site new hai to aur sitemap submit kar rahe hain to index status dekhne me thoda time lag sakta hai. Search console ke ishi page par aap dekh sakte hain sitemap ke jariye kitne Urls submit kiye jaa chuke hain aur google ne kitne links submit kar diye hain.

Ye Bhi Padein.

WordPress Posts Ko Fast Index Karne Ke Liye Ping Lists

Bounce Rate Kya Hai Isey Kaise Decrease Karein

Black Hat SEO aur White Hat SEO Me Kya Difference Hai?

 

Aap hume ye bhi batayein ki aapne apni blog ka sitemap submit kiya hai ya nahi. Agar aapko sitemap Generate karne me ya submit klarne me koi pareshaani aa rahi hai to aap humse contact kar sakte hain. Ya Comment me puch sakte hain. Post ko share kijiye Jissey ye useful information dusron ko bhi mil sake Dhanyawaad. 


Nitish Verma

I am Nitish Verma digital marketing and social media expert. I have 3 Years Experience in Search Engine Optimization, Blogging and Web Designing.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.