Agar aapke paas blog ya website hain ya aap meri trah Blogger hain Google Tag Manager ke baare me jaana aapke liye jaruri hai. Google Tag Manager, Google ke dwaara offer kiya gaya ek tool hai joki webmaster ko aapke liye bahut aasan bana deta hai.

Google-Tag-Manager-Setup-Complete-Guide-in-Hindi

Jab hum koi bhi website create karte hain, hume useme bahut se tags add karne padte hain, Jaise ki Google analytics scripts, Social media sharing buttons ko add karne ke liye javascript add karna. Agar hum technically baat karein to yadi hum koi bhi new tag apne blog me add karna hoto hume theme ki core files ko manually edit karna hota hai.

Fir ek particular jagah aapko code add karna hota hai, aise log ke liye ye kaam thoda mushkil ho jaata hai. Google Tag manager ek aisa platform offer karta hai jiski help se hum single web interface ke dwaara apne blog ke sabhi tags ko manage kar sakte hain. Aap in tags ko same interface se kabhi bhi add aur remove badi aasani ke saath kar sakte hain. 

Google Tag Manager Kya Hai?

Ab aaiye samjhte hain Google Tag Manager Kya hai. Google Tag Manager ek tag management system hai jo aapko allow karta hai quickly aur easily tags aur code snippets ko aapke  website or mobile app ke tags add ya remove karne ka. 

Iske alawa sabhi tags  ki management ke liye ek single Tag ko use karne se aapki website ka loading time bhi kam hota hai. Dusre shabdo me kahein to in tags ko use karne se humari website slow nahi hoti hai.

Google Tag Manager Setup Complete Guide in Hindi me main aapko bataunga ki aap Google Tag manager ko kaise use kar sakte hain aur apne website ke sabhi tags ko ek hi jagah se easy aur consistent tarike se kaise use kar sakte hain?

Google Tag Manager Kaise Use Karein?

GTM (Google Tag Manager) bahut hi easily method par work karta hai, Aapko apni website me GTM CODE ko add karna hai aur fir bahut hi easily aapko apni site ke saare tags jaise Google analytics script, Advertisement script, AdWords conversion tags, ek hi google interface me manage karne hain.

Ab sabse pehle Google Tag Manager par jaiye, aur apne Google account ka use karke login kar lijiye. Iske baad aapko kuch basic chije hain jo janni hongi.

Account: Aapke account ka naam aam taur par ye ush company ka naam hota hai jiske liye aap tags manage kar rahe hain.

Container: Ye ush website ka naam hota hai jiske liye aap tags ko manage kar rahe hain. Example ke liye Nitish Verma meri company ka naam hai aur NITISHVERMA.COM mere website ka naam hai.

Tags: Aap ek container ke andar tag management ko easy banane ke liye kai different tags ka use karenege. Jaise Google Analytics ki script ke liye ek alag tag aur Social Media ke liye ek alag tag.

Rules: Rules ye define karte hain kish tag ko kab aur kanha display hona hai. Example ke liye all pages, ya fir aap rules me define kar sakte hain aapko kis pages par ads ko display nahi karwana hai.

Iske saath, aap apne tags ko manage karne ke liye koi aur user bhi add kar sakte hain, agar aapne koi developer ya advertising company hire ki hai to to aap usko bhi isme add kar sakte hain. Aap unhe website ke kisi other section ka access diye bina unko add kar sakte hain.

Yanha main aapko bataunga ki main kaise apne tags manage karta hun. Aur Google analytics aur Facebook Retargeting Pixels me ish code ko kaise add karte hain ye bhi bataunga.

Ab aap apne GTM me login kijiye. Ab apne Blog ya website ko as company name add karein. Jaisa ki maine kiya hai aap dekh sakte hain.

Jab aap Create Account Par Click Karte hain to aapko Yanha Company Name me apne site ka naam daalna hai aur Country me India select kar dein kyunki hum india me rehte hain.

Ab hume Container Setup karna hai. Company Create karne ke baad aapko Container setup ke liye Domain daalni hai, pura url paste na karein warna error aa sakta hai. Aur use container me Web ko select kar lein.

Jaise hi aap container Create karte hain aapke paas code aa jate hain. Ab aap code ko apne site ke sabhi page me add karna hai. Ya fir body tag ke end se pehle ye code add kar sakte hain. Aapko ‘Head Tag’ aur ‘Body Tag’ ke liye code mil jaate hain.

Ab GTM Me Google analytics ko add karna hai. Ab google tag manager default workplace par aapko aana hai. ab aapko yanha tags section par aana hai, aur New Tag par click karna hai.

Ab aapko apne tag ka naam dena hai. Aur untitled tag ki jagah aapko apne tag ka naam dena hai, Jaise maine daala hua hai. KBSE- ALL PAGE VIEW iske baad 2. Tag configuration me choose tag type me Google Analytics- Universal Analytics ko choose kar lein.

Ab aapko Tag Configuration karna hai. Yanha aapko Track type me page view daalna hai. Aur 2. Google analytics settings me ‘select settings variable’ me new variable add karna hai. New variable ko select karna hai.

New variable click karne ke baad aapko google analytics ki Tracking ID daalni hoti hai. Google analytics ka tracking code aapko analytics ke tracking info me mil jayega. Cookie Domain ko auto hi rehne dein aur save kar dein.  To ish trah se aapka google tag manager account setup ho jayega.

GTM ke aur functions aur features ki post main jaldi hi aapke saamne launga to humare blog se jude rahein.

Aap humare blog ko subscribe kar lein aur social Media par follow karein. Agar aapko GTM se judi koi bhi help chahiye ya koi bhi question to hume comment me jarur batayein.

 

 

 

 


Nitish Verma

I am Nitish Verma digital marketing and social media expert. I have 3 Years Experience in Search Engine Optimization, Blogging and Web Designing.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.