Kya Digital Marketing me Instagram Video ka use karte hain? Ye to aap bhi jaante hain instagram Bloggers aur Digital Marketers ke liye ek best platform hai. Agar aap bhi meri trah Instagram diwane hain to is post me aap janenge ki Instagram IGTV Digital Marketing me kaise use karein. 

Ish Post me aap janenge ki long video apne viewers ko dene ke liye kaise IGTV ka use karein? Saath hi Instagram IGTV Kya hai, Aur Digital Marketing me iska use kaise kar sakte hain uske kuch tips.

# 1: Apna Instagram IGTV Channel Kaise Set Up Karein?

IGTV ke me sabse best part jo mujhe lagta hai wo hai ki aap isey mobile aur desktop dono se access kar skate hain. Matlab ki videos aap apni suvidaha ke anusaar Desktop ya mobile se post kar sakte hain. Ab aaiye janate hain apna channel kaise setup karein.

Mobile Se Apna IGTV Channel Setup Karein

Apne phone me IGTV app ko sabse pehle install karein, Waise aap instagram se bhi IGTV tak pahunch sakte hain. Waise IGTV ka app instagram se thoda alag hai.  IGTV app android aur IOS dono ke liye available hai.

Download karne ke baad IGTV app ko open karein aur Instagram account se connect karein. Iske baad aapko apna channel etup karna hai. Apni profile photo par tap karein.

 

 

आईजीटीवी चैनल स्थापित करने के लिए संकेतों का पालन करें।

Agar aapne Instagram ko pehle se IGTV se connect kar rakha hai to continue par click karke direct apne IGTV channel par pahunch jayein. Ek baar connect hone par, aapki instagram account ki information aapke channel me aa jayegi. Aur aapko ek video upload karne ko kaha jayega.

 

 

Computer Se Apna IGTV Channel Banayein

Apne Computer help se IGTV Channel Banane ke liye in steps ko follow karein. Sabse pehle instagram.com open karein apne browser mein aur username password ke saath login karein.

Apne Bio ke niche aapko Posts, IGTV aur saved jaise Tab show honge. Aapko IGTV Tab par click karke start karna hai.

 

Iske baad diye huye instructions ko follow karke apna channel setup karein.

# 2: IGTV Me Video Upload Karein

IGTV Youtube ki trah hi kewal ek video Platform hai, Lekin yaha ek baat ki kami hai jo mujhe pareshaan karti hai wo hai aap filhaal yanha live video ki recording nahi kar sakte hain. Aapko pehle se record kiye huye video hi upload karne honge.

Yanha ek aur jo sabse jaruri baat hai wo hai aapka video Vertical ya portrait mode me hona chahiye. 9:16 ka ration hona chahiye, kisi other mode me screen pura fill nahi ho payega. Haan video ki limits nirdharit nahi ki gai hai. Aap jitne marzi chahein video daal sakte hain.

Ek baar video upload karne ke baad ye aapke sbhi instagram followers tak paunch jaata hai. Aapke followers isey apne instagram feed me dekh payenge. IGTV App sabhi users ko video recommend bhi karta hai user ko interest ke hisab se.

Apne Mobile Se Video Upload Karein

IGTV me ek video upload karne ke liye apne Bio ke upar + Icon par Tap karein. Apne channel par upload karne ke liye phone ki gallery se video choose karein aur video ko upload kar dein.

Mobile Device Ke Madhyam se video upload karte samay kuch limitations hain. 

#1. Video ki length kam se kam 15 Sec hona chahiye.

#2. Video 10 min se adhik lamba nahi ho sakta hai.

#3. Instagram Live bhale hi aapke device me save ho lekin uski length bhi bhi 15 sec se upar ho lekin wo video gallery me show nahi ho to aise me aap ush video ko kisi aur folder me shift kar dein ya Google Photos Folder ka use karein.

Igtv-Video-Title-Description-Cover

Apne Channel par video upload karne liye Video ka Title, Description aur Cover add karein. Agar aapne apne Facebook account se instagram ko add kiya hua hai to aap facebook page par bhi isko share kar sakte hain.

Apne video ke liye humesa relevant aur accha description choose karein. Title bahut hi lamba na rakhein. Kuch addtional information aap thumbnail (Cover) me add kar sakte hain, Jaisa ki Youtube me hota hai.

Haan yanha ek jaruri baat aapko dhyaan me rakhni hogi Mobile device se video upload karte samay Video me Jo bhi title aur description add karein usko bahut hi savdhani se likhein. Kyunki galti hone par aap usko edit nahi kar payenge. Waise Jarurat padne par aap apne desktop se details ko change kar skate hain.

Video upload karte time jo default thumbnail aapko show hotey hain. Kai baar Sahi nahi hotey hain aise me apna cover khud choose karein ya aap video se bhi koi cover use kar sakte hain.

Computer Ke Madhyam Se IGTV Par Video Upload Karein

Desktop ke maadhyam se IGTV me apna video upload karne ke liye, Desktop site upload field me kisi bhi video file ko Drag and Drop Karein.

Desktop se instagram IGTV me Video Upload karein

Mostly account me 15 Second se 10 Minute tak ki hi video limit hoti hai. Lekin bade aur verified account mr desktop ke madhyam se 60 minute tak ka video upload kiya jaa sakta hai.

Jab tak aapka video upload ho raha hai aap Title Description aur cover photo ki jaankari fill kar sakte hain.

 

 

 

# 3: Instagram IGTV Par Video Upload Karne Ke Tips

Jaisa ki aap jante hain IGTV par aap 15 Sec se 10 min ka video upload kar sakte hain. To aise me jaruri hai ki aap sahi raniniti banakar hi video upload karein. Yanha Youtube ki trah aapko full freedom nahi milti hai. Video ka aspect Ratio bhi 9:16rakhne ko kaha jaata hai. Matlab har trah ki video yanha upload nahi hogi.  To Yanha main kuch tips de raha hun jo bloggers aur Digital Marketing me agar aap IGTV ka use karte hain to aapke liye bahut helpful hogi. 

Jordaar Sound Wale Intros Videos Me Nahi Daalein

Aapne dekha hoga ki IGTV par daale gaye videos ya Instagram par upload kiye gaye videos Mostly device me autoplay hone lagte hain. To ye dhyaan rakhein ki aapka intro short ho aur usme high pitch ya jordaar sound waala intro video ke andar na ho. Issey user vichlit ho sakta hai. Ya aapke video ko dekhe bina aage badh sakta hai.

Isliye video ke andar jordaar music add na karein.

Video Ke Description Me URL/Link Add Karein

Aap IGTV  par jo video upload karte hain uske description me aap Video se related URL ya link paste kar sakte hain. Jaise aap apne kisi Youtube video ya blog post se related video upload ki hai to aap uska link description me de sakte hain. Jissey aapke site ya channel par bhi traffic aane ki sambhavna badh jaati hai.

 

Chunki abhi IGTV new hai to bahut se logon ki ish baat ka pata nahi hota ki aap description me url de sakte hain ya users ush par click kar skate hain. Aise me aap video ke andar ish jaankari ko dein ki aapne description me link diya hua hai.

Video Description ke andar Hashtag Ka Use Karein

Hashtags jaise instagram me work karti hai waise hi  IGTV ke andar Hashtag bhi hashtags ka important role hai. Aap video ke description me hashtags ka use kar skate hai. jissey aapka post boost hota hai. To Video ke description me Hashtags ka use jarur karein.

 

Video Ke Insights Ko Check Karein

Agar aap ek acche blogger ya Digital Marketing person hain to Video ke insight ke jarur check karne chahiye aap apne phone me video ke bottom me 3 dots par click karkr video ka insight check kar sakte hain.

Viewers Ke Comments Ka Reply

Jo viewers aapke video par comment kar rahe hain unke comments ka reply jarur dein. Isey user ke saath aapki engagement badhti hai. Niyamit rup se videos upload karte rahein. Aap  Instagram IGTV par upload kiye meri pehli video yanah click karke dekh sakte hain.

 

 

Instagram IGTV aapko kaisa laga. Saath hi mere dwaara bataye ish post me agar aapko kuch sikhne ko mila hai ya aapke man me koi doubt hai to aap hume comment me jarur batayein. Aapka IGTV Experience humare saath jarur sahre karein.


Nitish Verma

I am Nitish Verma digital marketing and social media expert. I have 3 Years Experience in Search Engine Optimization, Blogging and Web Designing.

1 Comment

om suthar · August 8, 2018 at 9:10 am

nice information sir

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.