Digital Marketing aaj bahut hi teji ke saath badh raha hai. Main karib 2 saal se web designing aur Digital marketing sikh raha hun aur ishpar kaam kar raha hun. Engineering Complete karne baad mera interest Web Designing aur Digital Marketing me aaya. Lekin aaj main india ke un top digital marketers ke baare me batane jaa raha hun jinse main bahut kuch sikh raha hun, aur yanha aap bhi bahut kuch sikh sakte hain.

Top 10 Digital Marketing Blogs in India

Top 10 Digital Marketing Blogs in India

1. Sorav Jain

Sorav Jain ne 17 saal ki age me digital marketing me apna career bataur ek seo executive aur freelance content writer ke rup me shuru kiya. 2010 me sorav ne khud ki digital marketing agency echoVME ki shuruaat ki, Jisey CMO Asia ke dwaara ‘The Best Social Media Agency of 2013’ ka prestigious award mila. Sorav digital marketing ke seminars, lectures workshops bhi aayojit karte hain. Inhone kai pratisthit sansthao jaise NASSCOM, IIM, LIBA aur bhi bahut jaghon par apne digital marketing ke lesson ko share kiya hai.
Abhi tak sorav ne 100+ workshops aur 3500+ professionals ko social media par trained kiya hai. Sorav social media marketing training aur consulting, apps development aur personal branding me expert hain. Inhone pehli baar social media summit ko organize kiya jo ki Chennai me hua tha. Ish summit me purey duniya se karib 24+ speakers aaye they. Sorav ne ek book bhi launch naam hai “social media for business”.
Sorav apne skill aur apne experience ko apne youtube channel par bhi share karte hain. Aap bhi sorav se digital marketing sikh sakte hain. Aap unke blog, youtube channel ki help se digital marketing sikh sakte hain. Aise log jo hindi me digital marketing sikhna chahte hain. Unke liye Sorav ne Digital Marketing in Hindi ka course banaya hai. Aap ish course ke liye online apply kar sakte hain. Aur course complete karne ke baad certificate bhi paa sakte hain. Wo bhi bilkul free.

2. Deepak Kanakaraju
Deepak Kanakaraju ke world famous digital marketing agency chalate hain jiska naam digital Deepak hai. Digital Deepak unka ek aisa blog hai. Janha se aap digital marketing ki hart rah ki knowledge le sakte hain. Deepak ke baare me jab me research kar raha tha to mujhe pata laga ki Deepak bike lovers hain. Inhone Motorcycle ke upar apni blog start ki jiska naam tha Bike Advice. Jiske 1 Lakh se adhik followers they aur har month 10 Lakh se adhik page view tha. Sayad yahi wo success thi jinhone Deepak ko Digital Deepak bana diya. Aur wo aaj to digital marketer hain. Deepak ke Bike blog ke baad unhone kai companies ke saath kaam kiya unke liye digital marketing ki. Deepak ki blog Digitaldeepak.com top 10 Digital marketing blog me se ek hai. Deepak ek civil engineer hain, Lekin ye passion hi hai jisne civil engineer ko famous digital marketer bana diya hai.
Deepak ek free digital marketing ki course bhi chala rahe hain. Ish course ke liye aapko fee ya koi test nahi deni padti hai. Course complete hone ke baad aapko certificate bhi diya jaata hai.

Top 10 Digital Marketing Blogs in India

3. Harsh Agarwal
Harsh Agarwal ek aisa naam jissey lagbhag sabhi blogger aur digital marketer parichit honge. Aaj ke time harsh Agarwal blogging guru hain. Aapko pata hona chahiye ki digital marketing ke liye aapko blogging par bhi pakad honi jaruri hai. Harsh Agarwal Shoutmeloud.com jo ki ek famous blog hai uske author hain. Shoutme loud ek aisa blog janha aapko Blogging, Digital Marketing, Social Media Marketing, Affiliate marketing se related sab kuch mil jaata hai. Harsh Information Technology stream me apna B.tech pura kiya hai. Harsh ne apni rashtra bhasha hindi me apni ek blog Shoutmehindi ki bhi shuruaat ki hai janha se aap Blogging aur Digital marketing sikh sakte hain.
Harsh ne kai e books bhi likhe hain jinhe aap aap unki site se download kar sakte hain.

4. Pradeep Chopra

Pradeep Delhi IIT se passout hain. Yanha se passout hone ke baad wo koi bhi corporate job join kar sakte they. Lekin varsh 2000 me ye Digital Media se bahut prabhavit huye. Aur inhone digital marketing ko apne carrier ke rup me chuna. Digital marketing ke growth ko dekh kar Pradeep ne varsh 2009 me Digital Vidya ki sthapna ki. Digital Vidya co founded karne ke piche inka aim tha ki ek aisa platform janha se Digital Marketing sabhi course ko sikha jaa sake. Prdeep ne khud 1500 se adhik professionals ko trained kiya hai. Inhone india ke leadership forum NASSCOM, World Blogger ke global conferences me bhi bol chuke hain.
Pradeep apne digital marketing aur ke skills aur experiences ke baare me kai articles Wall Street Journal, Entrepreneur, aur Inc. Magazines me post kar chuke hain.

5. Jitendra Vaswani
Jitendra Vaswani India ke professional Bloggers me se ek hain. Inhone Internet Marketing ek upar ek blog 2013 me bloggersideas.com banai. Inhone varsh 2012 me apni engineering complete ki aur 2013 me inhone apna online venture start kiya.
Jitendra ke paas 6+ years se adhik ka experience SEO aur Internet Marketing me hai. Inke paas Internet Marketing ki acchi pakad ke saath SEO (Search Engine Optimization), SMO (Social Media Optimization) ke alawa latest technology jaise Google Webmaster tools, Google analytics aur search algorithms ki bhi knowledge hai. Varsh 2014 me inko India ke top 20 Bloggers in India me jagah mili. Jiske saath hi kai online magazines ne inko recognized kiya. 2014 me hi inhone Digital marketing agency Digiexe.com ki sthapna ki. Inhone kai individuals aur Business ko unki visibility badhane me help ki. Inhone kai international business ko promote karne ka bhi kaam kiya.

Top 10 Digital Marketing Blogs in India

6. Ankita Gaba
Ankita Gaba iGenero ki Partner aur Business head hain. Ankita SocialSamosa.com ki co founder bhi hain. Ankita ne Welingkar Institute of Management se Marketing me apna MBA kiya hai.
Ankita “Global Top 100 Social Media Agencies and Consultants 2012-13″ me listed huie. Iske alawa social media par apne adhbhut kaamo ke liye inko kai awards mil chuke hain.

7. Aditya Gupta
Varsh 2011 me Ankita Gaba ke saath Aditya Gupta ne social samosa ko launch kiya. Varsh 2015 me social samosa ko confidential investors ke haatho bech diya gaya, Jisme Amount ko bhi confidential rakha gaya. Lekin ET ke report ke anusaar 2-3 Crore me investors ne ish company ko khardi. Ab Aditya khud ki Digital communication agency Igenero me kaam kar rahe hain. Igenero branding, Web aur Mobile based products aur digital strategy ke field me kaam karti hai. Aditya ek mechanical engineer hain lekin unke digital Marketing ke skills ne unko humare list me jagah di.

8. Jainendra Singh
Jainendra ki customer centric approach, strategic thinking, aur analytical mindset world ke powerful digital marketing world me ek khaas jagah dilate hai. Digital marketing ke liye unke dil me jo pyaar jo love hai usi se inspired hokar unhone site Digital Love ki suruaat ki. Web designing aur Digital marketing ki service ke saath ab wo online digital Marketing ki training bhi de rahe hain. Jainendra ek certified Google AdWords trainer hain. Jainendra ne kai muti billion dollars companies ke liye strategic planning aur business structure banana me apne experience ka use kiya hai.

9. Himashu Arora
Himanshu Arora ne delhi k eek computer science engineer hain, saath hi inhone Marketing me MBA kiya hai. Himanshu Social Panga ke co founder hain. Social Panga ek digital Marketing agency hai. Himanshu ko Digital Marketing jagat ka “Marketing Mafia” keh sakte hain.

Himanshu digital marketing ki strategy banana aur usko implement karne me maharat haasil hai. Inhone kai leading brands Coca-Cola, SAP, Accenture, Citibank, HUL, Decathlon, Google, Horlicks, NBA, etc ke saath kaam kiya hai.
Himanshu un chuninda logon me se hain jo google ke products sale aur unki training dete hain jaise ki google adword.
Inhone 35+ Leading corporate companies ko digital marketing ki training di hai jaise HUL, TOI, Pidilite, TCS, ICICI, Kotak, Nokia, Wipro, HPCL, iske saath kai education institutions bhi hain.

10. Prasant Naidu

Inke baare me ek interesting story hai ki Prasant ek Business analyst they aur Vinaya ek freelance designer thi. Dono apne blogs par likhna pasand karte hain. Ek common connection me dono ki mulakat pehli baar huie.

Fir dono husband wife ban gaye aur inhone December 2010 me Light House insight ki suruaat ki, Jo ki social media industry ka revolution tha. January 2012  me dono ne apne blog ko fir se shuru kiya. Varsh 2013 me Social Media examiner ne Top social media blogs me shamil kiya.  Inhone kai Publishers, Brands aur agencies ke liye kaam kiya hai.

 

Nitish Verma
Nitish Verma filhaal top 10 digital Marketing blog me apni jagah nahi bana paaya hai. Lekin ummid hai aane wale samay me main bhi ish list me hounga. Nitish verma ne varsh 2016 me Electronics and Communication se Engineering puri ki aur 2017 me inhone nitishverma.com ko launch kiya. Nitishverma.com par aapko web designing, SEO, SMO aur digital marketing se judi service aur information mil jaati hai. Nitish ne kai entrepreneurs, aur low budget business ki help ki hai. Saath Nitish Verma ke blog par aapko digital marketing ki jaankari hindi/Hinglish me milti hai. Aise bahut se log blogging aur digital marketing sikhna chahte hain. Unke liye ye jagah sahi hai. Aap latest technology ke baare me janne ke liye Technicalmitra.com par bhi visit kar sakte hain.

Mujhe ummid hai Top 10 digital marketing ke blog ki ye list aapko pasand aaie hogi. Agar aapko lagta hai ki ish list me koi naam reh gaya hai. To hume comment me jarur batayein. Saath hi hume ye bhi bateyein ki inme aap kiske blog ko follow karte hain aur kyu?
Post ko share kijiye taaki dusron ko bhi top 10 Digital marketing blog ke baare me pata lag sake. Dhanyawad!

Ye Bhi Padhein

Top 10 Hindi Tech Bloggers | Hindi and Hinglish Tech Bloggers

 

 


Nitish Verma

I am Nitish Verma digital marketing and social media expert. I have 3 Years Experience in Search Engine Optimization, Blogging and Web Designing.

3 Comments

Nagesh Lingayat · May 14, 2018 at 10:06 am

Nice blog & thanks for sharing such a blog.

vishnu rai · May 20, 2018 at 4:18 pm

Great article shared.

Akshay verma · May 22, 2018 at 7:12 am

Nice article! Very well written article!

Leave a Reply

Your email address will not be published. Required fields are marked *