Aap Blogging karna chahte hain ya fir koi website create karna chahte hain. Aaj ke time me agar iske liye koi accha tool hai to wo hai wordpress. Ek time aisa bhi hua karta tha ki Blog ya website ke design ke liye designers ya coders ki jarurat hoti thi, Lekin agar aap thoda bahut bhi technology se jude hai to easily wordpress use kar sakte hain. WordPress par aaj non-technical person bhi acchi websites bana lete hain. To aaiye jante hain WordPress Blogging Ke Liye Best Kyu Hai?

WordPress-Blogging-Ke-Liye-Best-Kyu-Hai_

Agar aap apni website ya blogging ke liye WordPress ko choose kar rahe hain, To pehle thoda samjh lein ki wordpress best kyu hai. WordPress kya hai? WordPress ki history kya hai? In sab ke baare me aaj hum bateyenge aapko ish post me.

WordPress Kya Hai?

WordPress aaj duniya ka sabse bada aur popular free aur open source CMS (Content Management System) hai. Jiska koi bhi use kar sakta hai. WordPress ko PHP aur My SQL ki help se banaya gaya hai. Jisme PHP aapka programing language hai aur Mysql Database hai. WordPress ko Web server par install kiya jaa sakta hai, Jo ki aapke Hosting service provider ka ek part hota hai. Matlab aap jab hosting lete hai to uske web server me aap wordpress ko install kar sakte hain.

Waise to bahut sare CMS available hain. Lekin wordpress ki popularity ka andaja aap ishi baat se laga sakte hain ki Internet ki 27% Website WordPress ka hi use karke banai gai hai. WordPress me aap easily content ko manage aur publish kar sakte hain.

Domain Name Kya Hai ? Full Guide in Hindi

Buy Domain With Google Domain- Google Se Domain Kaise Purchase Karein?

BigRock Se Domain Purchase Karein 99₹ Me

Create Free Website On Google Full Guide in Hindi

WordPress History

b2/cafelog jisey normally b2 ya Cafelog kaha jaata hai, yanhi se wordpress ki shuruaat huie. Michel Valdrighi Ne MySQL aur PHP ka use karke cafelog ko banaya tha jisko May 2003 ke anusaar lagbhag 2000 blogs par installed kiya gaya tha. Waise Michel Valdrighi ab wordpress ke liye bhi kaam kar rahe hain aur saath hi b2 par bhi development jaari hai.

2003 me Matt Mullenweg and Mike Little ne wordpress ke liye pehli baar ek sanyukt pryaas kiya jisme b2 ka ek fork banaya gaya tha. Matt Mullenweg k eek friend Christine Selleck Tremoulet ne wordpress ke naam ka sujhaaw diya tha.
27th May, 2003 ko Matt Mullenweg aur Mike Little नेWordPress ka 1st version ko Launch kiya tha.

May, 2004 ko wordpress me Plugin feature ko add kiya jissey wordpress ka function aur bhi accha ho gaya.

2005 me WordPress ne theme feature aur new admin dashboard ko add kiya saath hi isi saal me wordpress.com ko bhi launch kiya gaya.

2006 me Matt ne trademark aur logo ke liye registration kiya.

2007 me ¬WordPress 2.1 me ¬new user interface, autosave aur spelling checking feature ko add kiya gaya.

2008-2009 me Happy Cog web design company ne WordPress Project ko join kiya aur ek accha user friendly admin dashboard taiyaar kiya.

2010 me ¬WordPress ko open source declare kar diya gaya.

2011-2014 me ¬ advanced media manager aur theme customizer feature ko add kiya gaya.

2015-2016 me REST API ko add kiya gaya mobile apps banana ke liye.

WordPress Special Features:-

Aaiye ab jaante hain wordpress itna popular kyu hai. WordPress ko popular banata hai iska special features me. Yanha main WordPress ke kuch special Features ke baare me bata raha hun.
WordPress Free CMS Hai– WordPress ek free Content Management system hai. Ye ek open source platform hai jiska koi bhi apne hisab se use kar sakta hai. Jaisa ki aapko pata ho Blogging ke liye Blogger.com, tumblr.com free hai thik usi trah wordpress bhi free hai. WordPress par kaam karne ke liye bus aapko server ki jarurt hoti hai janha aapko wordpress ko bus install karna hota hai. Haan server ke charge aap host provider company ko dete hain na ki wordpress ko isliye wordpress bilkul free hai.

WordPress Free Themes– WordPress me aapko kai free themes mil jaate hain. Jo aapke blog ya website ko behtarin look deta hai. Aa blogger hain Ya aap koi business website run karna chahte hain. WordPress par aapko free me aapke business se related theme mil jaate hain. Aapko website design ke liye khaas menhat nahi karni padti hai. WordPress ke mostly theme SEO friendly aur Responsive hain.

WordPress Free Plugins– WordPress me ek aur kamal ki chij hai wordpress ke plugins. Plugins ek tiny software hota hai. WordPress me kai plugins jo free hain jinko aap apne jarurat ke hisab se use kar sakte hain. WordPress me 48000 se adhik free plugins hain. Suppose kijiye aapko apne website me Contact Form chahiye, Newsletter chahiye, Social Share ka option chahiye aise hazaron plugins hai jo ki free me available hain. Bus aapko direct install karna hai. Ynaha koi coding nahi karni padti hai.

WordPress Use Karna Easy hai:

WordPress ko use karna bahut easy hai. Waordpress ka interface bhi bahut simple hai. Aap Yanha apne hisab Text, Photos, Videos, Audios add kar sakte hain. Unko edit kar sakte hain aur delete kar sakte hain.
URL Change : WordPress me aap apne page ya post ke url ko apni marji ke hisab se change kar sakte hain. Blogger ya tumblr me aisa nahi ho pata hai.

WordPress Widget: WordPress me aap widget ka use kar sakte hain. Aap Sidebar ya Footer me apne pasand ka widget laga sakte hain.

Multiple Author: Worpress par aap ek se adhik auhor ya Admin ko add kar sakte hain. Jissey aapka kaam aur bhi aasan ho jaata hai. Aap apne authors ki team wordpress par bana sakta hain. Jo aapki site ko manage karte hain.

WordPress SEO friendly Hai:

WordPress ek seo friendly platform hai. WordPress par kai aise plugins bhi hai jissey aap SEO kar sakte hain. Other platform me SEO karna bahut mushkil hai. Lekin wordpress par SEO karna bhi bahut easy hai. Aap apne page, post ya image ko bahut easy trah se seo friendly bana sakta hain. Agar aap ek blogger hain to aapko pata hoga ki SEO karna kitna jaruri hai.

WordPress Best hai Business site ke liye:

Aagar aap apne business ko online le jaana chahte hain to iske liye bhi wordpress best hai. WordPress par business ya E commerce se related kai free theme aur plugins mil jaate hain jissey visitors aapke site se shopping kar sakte hain ya aapke business ko join kar sakte hain. Yanha WooCommerce jaisa plugin hai jiski help se aap apne product ko online sell kar sakte hain.
Waise aap samjh gaye honge ki internet ki duniya me wordpress bhi kisi revolution se kam nahi hai. To aap samjh hi gaye honge ki wordpress kya hai aur kyu itna popular hai.

Agar aap beginner hain blogging start karne ki soch rahe hain. To aap pehle blogger.com ya wordpress.com ka use kar sakte hain.
Main bhi ek web Designer hun Blogging bhi karta hun aur meri site wordpress par hi hain. Aur aap bhi samjh gaye hone WordPress blogging ke liye best kyu hai.
Agar WordPress ko install karne me ya use karne me aapko koi bhi problem aati hai to aap mujhe comment me bata sakte hain. Main usko solve karne ki kosish jarur karunga.

Ye Bhi Padhein

Blogger Par Custom Domain Name Kaise Add Karein?

Tumblr Par Custom Domain Name Kaise Add Karein?

GoDaddy Se Domain Kaise Register Karein Step By Step Guide

Mujhe ummid hai aap post ko share karenge. Jissey dusron ki bhi help ho sake Dhanyawaad!


Nitish Verma

I am Nitish Verma digital marketing and social media expert. I have 3 Years Experience in Search Engine Optimization, Blogging and Web Designing.

2 Comments

Shashank Sharma · April 16, 2018 at 11:02 am

Hi Nitish
Wordpress ke alawa hum or kaunsa CMS use kar sakte hai,
Blogging ke liye koi achi free wordpress theme bhi suggest kijiye.
Thank You

    Nitish Verma · April 17, 2018 at 5:32 am

    Shashank Ji,
    Aap Worpress ke alawa Joomla, Drupal ka use CMS ke liye kar sakte hain. Agar aap Blogging ke liye Free CMS chahte hain to aap Blogger,Tumblr ya medium ka use kar sakte hain.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.