Aaj agar aap Business Online platform ka use kar raha hai, Ya aapki koi website ya blog hai to aaj ke post me main aapko blog keyword planning ke baare me bataunga. To post ko pura padhiye taaki aapko Blog keyword Planning Kaise karni hai samjh aa sake.

Online Marketing me ek keyword ko ek word ya sentance ke rup me paribhashit kiya jaata hai, Jiska use kisi person ke dwaara kisi topic par information ko store karne ke liye kiya jaata hai. Aamtaur par log Google, Bing, Yahoo ya fir social media sites jaise Facebook, Twitter jaise search engine me keyword search karte hain. Taaki wo us information ko khoj sakein, Jinki unhe talash hai.

Aapko Ek Keyword Planner Banne Ki Jarurat Kyu Hai?

Ab ye samjhte hain aakhir aapko ek planner banne ki jarurat kyu hai? Aapko pata hai day by day keyword search ke maadhyam se Online business search karne waalo ki sankhya bahut teji se badh rahi hai.

Aur ye ek business man ke liye bahut hi accha sanket hai jo apne business ko public tak pahunchana chahte hain aur apni pahunch badhate bhi rahe hain.

Wo apne business se related keyword ka use karke apne blog/website aur social media profile ko optimize karte hain. Wo aise keyword ko target karte hain jo unke business se related hai aur jinka search me bahut baar use hota hai.

Ab jab log ush keyword ko search karenge to jaahir aapki site tak pahunchne ki sambhavna badh jaati hai. Ish trah se aapke website par better quality ki organic traffic badh jaata hai.

Waise ye nischit karna thoda kathin hai kaun sa keyword relevent traffic la raha hai. Fir bhi kuch keyword ki Popularity aur competition ka pata karne ke liye kai trah ke tools online maujud hain.

Waise aapki website par log kaun kaun se keyword ke through aa rahe hain, Ye samjhna aur parkhna bahut budhimaani ka kaam hai. Aur jab google analytics aapke liye free me available hain, to ye pata karna aasan ho jaata hai ki kaun sa keyword aapki website par traffic la raha hai.

Marketers ko to sabse pehle ye sunischit karne ki aavsyakta hoti hai ki sahi log unhe search kar rahe hon aur wo bekar ke clicks pe apna paisa barbaad na kar rahe hon. To iske liye hume apne blog ki keyword planning ya ek better keyword strategy to banani padegi.

Mujhe jaisa lagta hai keyword Planning ya research ek regular practice hai. Jo aapke business ya products ki visibility badhane me help karta hai.

Agar aap apni organic traffic badha lete hain to aapko pay per click jaise campgain par paise invest karne ki koi jarurat nahi hai. Aap humesa aage badh sakte hain aur apne keyword list ka use apne blog ko upar laane me kar sakte hain.

Ye Bhi Padhein:

On Page SEO Basic Guide 2019

Google Site Kit WordPress Plugin Kaise Install Karein?

Keyword Planning Kaise Karein?

Ab aaiye thoda vichar keyword planning ka nirmaan kaise kiya jaaye. Main keyword planning ko lekar aapko yanha kuch sujhaaw de raha hun.

Apne Business Ke liye relevant 4-5 Keywords ki ek choti si list banayein.

Un keywords ke list planning karein jo aapke dwaara diye jaa rahe services aur products se sambandhit hain. Aisa karte samay aapko lagta hai ki aap khud ek upbhokta hain jinhe kuch products ya uski information ki talash hai.

Ghabraye nahi main aapko business person se user nahi bana raha hun. Aapko ye samjha raha hun ki aap khud ek user ya buyer ki trah sochein.
Ab hum keyword ki relevency aur uske volume ke baare me vichar karenge.

Relevancy aur Competition ko dekhkar keyword Banayein

Apne keyword me aise word ya phhrse ka use karne se bachein jinka competition bahut high hai. Issey search engine me accha rank karna kathin ho jayega. Balki un keywords ka use karein jinpar competition low hai aapke business ke relevant hai aur special hain.

Keyword ke baare decision lete samay do baato ka vichar jarur karein, Wo hai keyword ki relevency aur search engine results dono ko dhyaan me rakhte huye, aapko dono ke bich balance banane ki jarurat hai.

Balance kyu chahiye wo samjhiye, Maana ki aapka keyword bahut relevent hai par search engine me log different keyword ke saath search kar rahe hain to aapko uska accha result nahi milega.

Ish trah se apni keyword ke according website ko design aur optimize karein.Aisa nahi hai aapne keyword choose kiye hain, Isliye apni website me aap unhde fit karein. Aisi koi jarurat nahi hai.

Halanki, janha jarurat wanha aapko apne keywords ka use karna chahiye. Example ke liye apne post me jo bhi keywords use kiya uske baare me best article likhein.

Kyunki ab google ke algorithms bahut smart ho gaye hain. Keyword planning to acchi baat hai par aapka content aur bhi adhik value rakhta hai.

Mujhe ummid hai ish post ke maadhyam se aapko apne blog ke liye keyword planning se related basic idea mil gaya hoga. Keyword Strategy banane ko confusion bhi aapki dur ho gai hogi.

Agar fir bhi koi problem aati hai. To post ko dubara padein ya humse comment me direct aap apne question ya feedback likh sakte hain.

Main aise hi post aapke liye likhta hun. To humare newsletter ko subscribe kar lein. Saath hi main videos aur Podcast ke maadhyam se bhi aaptak jaankari pahunchata hun. To aap mujhe wanha bhi follow kar sakte hain.
Post ko sahre kijiye jissey dusron ko bhi jaankari mil sake. Dhanyawaad.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.