On-Page-SEO-Basic-Guide-2019

Jaisa ki aap jaante hain aaj ke market me bahut compitation hai aur ye level badhta hi jaa raha hai. Isme aapki help karta hai aap apni online presence kaisi rakhte hai. Iske liye aapko jarurat hoti hai apni website ko up to date rakhne ki aur uski visibility badhane ki. Aise me On Page SEO kisi bhi website ya blog ke liye bahut jaruri hai.

Pichle kuch varsho me On Page SEO ke rules me bahut changes aaye hain. Kyunki google ab ish baat par focus karta hai ki wo apne users ko best results show kar sake. Google search results me ab standard page ko show karta hai, Jiske liye ab jaruri nai hai ki tittle ya meta description me exact keyword hon.

Ab hume ranking algorithm ko samjh ke kaam karna hoga jisme Hummingbird, Panda, Rankbrain aur page me jo article hon wo sab shaamil hain. Google ab Smart ho raha hai aur aapke on Page ki strategy ko bhi hona chahiye.

Ish post me aap janenge On Page SEO ke Basic Rules. On Page SEO Basic Guide 2019 me aapko hum latest strategy batayenge.

On Page SEO Kya Hai?

Yadi aap Google me type karein “On Page SEO” to aapko iske baare me kai top articles mil jayenge. Jisme feature snippet ke maadhyam se MOZ aapko batata hai, On Page SEO ek practice hai apne Individual page ko optimize karke search engine me higher rank aur organic traffic prapt karna.On Page SEO me kisi page ke content aur HTML Code dono ko optimized karte hain.

Yanha main aapko ye bata dun ki aapka article users ki query ko resolve karne wala ho, aapko aisa user friendly article ke baare me sochna hoga. Tabhi aapka seo acche se apply ho payega.

To agar aap apne blog ya website par koi page ya post publish karne jaa rahe hain, aur aapko aisa lagta hai google isko pasand karke. To iske check karne ke liye hum On page seo checklist aapke saath share kar rahe hain. Yanha se aap pata kar sakte hain ki aapko apne articles me aur kya sudhaar karne hain.

Meta Tags

Agar aap on page SEO karte hain, to sabse pehle jiska jikra hota hai wo hai tags. Tags SEO ke liye ab utne useful nahi rahe jitna wo pehle huaa karte they. Lekin aapne tags ka use apne article me kiya to aapke traffic me jarur improvement hogi.

Meta Tags Search me aapke page ke baare me information provide karne ke liye hota hai. Search engine me higher rank ke liye aapko apne page se related Meta tags ka use karna hota hai. Saath hi aap custom meta tags ka use karke user ko attract kar sakte hai, Jissey aapke page par users ke click karne ke chances badh jaate hain.

Title Tags

Aapke page me kai saare tags ho sakte hain. Lekin sabse important hai title tags. Title wo hai user ko search engine me organic ya paid search result me show hota hai. Aur ye title aapke browser ke tab me top par show hota hai.

Title tag aapke page ke baare me batata hai. Jab koi page particular queries ya keyword ke liye google rank karta hai to wo sabse pehle aapke title ko tags ko dekhta hai fir usko page me diye other content ke saath compare karta hai.

Yadi aap HTML me work karte hain, to aapko title tag kuch ish trah show hota hai. <title>On-Page SEO Kya Hai</title>

Waise Yoast dwaara WordPress SEO plugin se aap custom title tag create kar sakte hain. Apne title tags ko descriptive or short rakhein. Google ne haal me hi page title ke character ki limit ko badha kar 70 character kar diya hai.

Sabse accha to ye rahega ki 70 character limit se kam ka hi title rakhein taaki search engine results me aapka aapka title clear show ho. Aapka title aur meta description kaisa show hoga iske liye snippet optimizer ka use kar sakte hain.

Yanha main aapko recommend karunga apne title ke under core keyword ka use karein. Google ab apne results me relevance aur semantics ko adhik priority de raha hai. Pehle ek time ta jab users aankh band karke search results me first link par click karte they.

Par ab apne question ke best answer ke liye wo title aur description ko bhi padh rahe hain.

Meta Descriptions

Meta Description se users ko ye pata chalta hai ki exact aapka page kiske baare me hai. Waise ye directly ranking factor ko affect nahi karta. Lekin meta description se aapke search engine ko ye pata lagta hai ki aapka topic kis baare me hai. Aur wo users ko ussey relevant results show kara sake.

Ek acchi trah se likha gaya meta description ko search results me aapko bahut accha laabh de sakta hai. Jo search results me aapke post ki click through rate aur conversion ko badhata hai.

Waise kai baar ish baat ki bhi sambhawna hoti hai ki google custom description ko chhod de aur post me majud content ka koi part show kara dega. Isiliye main recommend karunga apne sabhi page ke liye meta description fill kar karein.

Issey pehle Google ne Desktop aur mobile ke liye description ki length badhai thi. Desktop me users 200 character tak aur mobile me 172 character tak ke description dekh payenge. Dono devices par users ko perfect description show ho iske liye aap 165 to 175 characters ka description rakhein.

Meta descriptions me clearly mention karein ki users ki ish page par kya milna waala hai. Aap ek do keyword ka use kar sakte hain ya ussey jude saman arth wale word ka bhi use kar sakte hain. Apna brand name bhi mention karein. Upar aap image me dekh sakte hain.

Yanha mere kehne ka saaf matlab ye hai ki aap ye sochein aap meta description ek organic text ad hai. Aur thik usi trah se aisa description likhein jissey users click karne ke liye majbur ho jayein.

Aap ye bhi dekhnege ki kuch website users ko apne site tak pahunchane ke liye kai site links search results me show karti hain.

Apne site par acchi traffic lane ki shruaat aapke title aur meta description se shuru hoti hai. Baad me aapki site ke content ki quality par depend karta hai user aapki site par kitni der rukega.

Heading Tags

Aapke landing page ya blog me H1 se lekar H6 tak kai heading tags shaamil hone chahiye. Sabse important ye hai ki H1. Aapko kisi bhi page me bus ek baar H1 ka use karna hai. Uske baad H2,H3 se lekar H6 tak use kar sakte hain.

Kyunki users page ko niche scroll karte hain aur inka use subheadings ke liye karte hain.

Page ke different sections ke liya aap subheading ka use karein. Ye SEO ke liye bhi accha hai aur users ko aapke articles ko samjhne help milti hai.

SEO Factors 

Agar hum seo factors ki baat karein to Jab aap kisi page ka title dete hain to ish baat ka dhyaan rakhein ki jo heading tags hain wo page ke title se related hon. Aisa nahi ki title kuch aur ho aur article kisi other topic par ho.

Kyunki Search Engine ka jo algorithm hai wo title ke saath page ke headings ko bhi check karta hai. Jissey usko pata lagta hai ye page title ke hisab se kitna relevant hai.

Page ka primary keyword aapke H1 tag me kanhi na kanhi shaamil hona chahiye. Page pe H1 tag jarur dein, Jo google aur aapke visitors dono ko topic samjhne me madad karta hai. Agar wordpress ki baat karein to ye automatically blog post ke topic ko H1 me convert kar dete hain.

Agar hum headings ki baat karein to ek baat ka khyal jarur rakhein ki  unnecessary keywords na daalein. Jisey keyword stuffing bhi kehte hain. Ye search results me bad effect daalta hai.

Same H1 tag ka use other pages par na karein. Issey bhi SEO par bad effect aa sakta hai, Kyunki google confuse ho jayega ki same heading wale kaun se page ko rank karana hai.

WordPress ka Yoast plugin aapko ye samjhne me help karta hai, ki aapka page kitna strong hai. Saath hi ye aapko guide bhi karta hai ki aapko on page seo ki nazar se kya kya changes karne hain. Saath hi ye aapke page ki page title, meta description, headings, images, content ke baare me bhi aapko help karta hai.

Usability Factors

Landing page aur blogs ke liye ye dhyaan rakhein ki users aapke post ko pura nahi padhte hain wo quickly aapke page scan aur browse karte hain. Wo kai baar aise sections ko search karte hain janha se unka answer mil jaaye.

Heading aur sub-heading page ko split karti hai, Jissey presentation bahut clear ho jaati hai.

Sub-heading users ko page ko navigate karne me help karti hai. Agar aap me kai topics ko cover kar rahe hain to H2 ka use karein. Agar aap Sub heading ke andar bhi koi other topic bata rahe hain H3 ya H4 ka use kar sakte hain.

Heading likhte samay apne users ko humesa dhyaan me rakhein ki wo kya search karte hain. Aap usi ke hisaab se apni headings ko likhein.

URL Strings

Agar url string likhne ki baat karein to isey short, concise, aur easily readable hona chahiye. Aaiye jaante hai ek accha URL String kaise banayein?

URL ki length ko analyse karte samay Ahrefs ne paaya ko short url accha rank karte hain. Study me url ki length aur kai folders ko dekha gaya. Unhone sabhi root domain ko ek folder ke rup me count kiya, Aur root ke baad pratyek back slash other folder ke rup me count kiya. Kuch ish trah se.

http://abcdxyz.com (Folders = 1)
http://abcdxyz/folder1 (Folders = 2)
http://abcdxyz/folder1/folder2 (Folders = 3)

Results me ye paya gaya ki kam folders wale url search engine me behtar rank ke saath aur bhi behtar ho gaye.

Jish trah se hum URL likhte hain wo ek SEO pratha hai jispar aapko vichaar karna chahiye. Aapke URL ke pratyek word ko ek hyphen (-) se separate kiya jaana chahiye, Underscore (_) ka use bilkul na karein.

Agar aapke paas ek hi type ke content wale 2 page hon to 301 redirect ya canonicalization tag (rel=canonical) set up karein jo sabse strong page ho. Ye duplicate content se bachata hai saath hi google ko bi batata hai ki kish page ko rank karna hai.

Apna URL humesa short banayein. Ye aapke users ko aapka page yaad rakhne me help karta hai. URL me primary keyword ka use jarur karein. Unnatural keyword jabardasti URL me na daalein. URL ko 5 words me banane koshish karein. Jo aapke topic ke relevant ho.

User-Friendly, Authoritative Content

Google jaise hi aapke page crawl karta hai, Wo user ki queries ko dhyaan me rakhta hai. Isliye aapka content clear hona chahiye aap jish bhi service ya product ke baare me likh rahe hain. Ya fir aap kish topic pe blog likh rahe hain.

Aap bhi jaante hain aaj ke time me internet content se bhara hua hai. Isliye aaj ye bahut important hai ki aapka content bahut hi unique ho. SEO aur content marketing ki duniya me jo sabse eham baat aapko sunne ko milti hai wo hai “Content is King”.

Sach kahu to SEO aur Content marketing ek dusre ko overlap karte hain. Ye Ek dusre ke purak hain. Content me use kiye words ya keywords hi log search engines me use karte hain. Aur hum unhi keywords ko target karke content likhte hai aur uska seo karte hain.

Aap post likhte hai to conversation way me likhein. Matlab aap apne users ke saath baat chit kar rahe hain. To aap content thoda entertaining way me likh sakte hai. Kyunki aapko aise nahi pata hota ki user aapke post ko padh kar bor hokar aapki site se exit kar raha hai.

Jab aap best content create karte hai to wo aapke filed me aapke expertize ko darshati hai, Aur aapka visitors aapse aur acche se judta hai. Wo aur bhi post ko padhne ke liye attract karti hai.

On Page SEO improve karne ke liye aur apne website par traffic badhane ke liye ish baat ka bhi khyaal rakhein jo aap likh rahein wo acche se likhein matlab koshish ye honi chahiye ki grammatically ya spelling mistakes na hon.

Be Aware of the Google Algorithm

Spammy, keyword stuffed, aur thin content ke saath higher rank paane wale website ko Google ne february 2011 me panda update ke dwaara hata diya. Yadi aapke paas abhi bhi low quality ya thin content wale pages hain to wo google par nahi milenge.Ya unki ranking bahut low hogi.

Panda ek core ranking signal yadi aapke post se aapke visitors ki help ho rahi hai to aap payenge ki aapke page ki ranking bhi acchi ho rahi hai. Kehne ka matlab aapne sab kuch kar liya par wo content aapke users ki kitni help kar raha hai.

Jaise jaise hum artificial intelligence age me pravesh kar rahe hain, SEO’s aur marketers rank brain ke effect ka pata lagane ki koshish kar rahe hain. Machine learning system ko 2015 ke aas paas laagu kiya gaya tha.

Search Engine Land ke mutabik Rank Brain Humming Bird algorithm ka hi ek part hai. Jisme aapko ispe focus karna hai ki aap time to time post ko update karein aur natural language me post ko likhein. Rank Brain ke tehat Rank karne ka ye sabse accha trika hai.

Search Engine land ka author Danny Sullivan apne article me batate hain ki Rank Brain ka use un searches ke liye kiya jaata hai, jinhe log search to kar rahe hain lekin sambhvtah unko unse juda word nahi mil paaya hai.

Questions ko kaise rank kiya jaaye iske liye ran brain ko rakha gaya hai. Har ek query aapke search results me ranking ko effect karti hai. Isliye ranking signal ke hisaab se apna content optimize karein.

Sabse accha tarika ye hoga ki users ke questions ko kam se kam time me answer karein. Google ab users ke hisab se apne search ko dikhne ki kosish kar raha hai. Kyunki aap bhi jaante hain ab searches voice me aur local languages me bhi hoti hain.

Longtail Keyword queries ko acche se dekhein aur apne content ko aise conversational items ke rup me present karein. Jabki keyword aapke on page seo me ek eham bhumika nibhate hai. Google best user experience dene ke liye shabdartho (semantics) ka adhik se adhik use kar raha hai.

Keyword Targeted Content

Jab aap user friendly aur authoritative content likh rahe hain to focus keyword ko humesa dhyaan me rakhein. Lekin kisi keyword ko target karna kyu itna important hai? Jitna adhik aap keyword ko samjhenge aapki marketing strategy utni perfect banegi.

Apne on page seo ka laabh uthane ke liye ye jaruri hai ki aap keyword research karein. Search Volume ko dekhne ke liye aap Google adword ka use kar sakte hain, aur apne competitors ko analyse karne ke liye SEMRush ka use kar sakte hain.

Aap ek content marketing ki trah se keywords ko target karein.

Keywords ke type ke baare me sochein jo aapki company ya blog ko best results dila sakti hai.

Informational Keywords: On Page SEO me ye term aata hai jab koi user kisi topic par information chahta hai.

Transactional Keywords: Aise keyword kisi product ya service ko buy karne ke liye use kiye jaate hain. Jisme aap “Top”,”Best” aur kai long tail keywords ka use kar sakte hain.

Location-Based Keywords: Jab users kisi local business ya physical address ko search karta hai tab aise keywords ka use hota hai.

Kisi visesh query ke likhe gaye keyword ki relevancy ke liye google LSI Keyword ya uske samanarth waale keywords ko search karta hai. LSI stands for Latent Semantic Indexing.

Jab aap koi long article likhte hain to usme LSI keywords ka use kar sakte hain. Latent semantic indexing me google keywords ke phrase aur uske terms ke aadhar par site sort karta hai.

Internal Links and Outbound Links

Links aapke seo me adhik vajan lekar aate hain. Acche Quality ki website se link milne par aapke domain ki authority majbut hoti hai. Iske saath hi internal linking aapke user ko accha experience deta hai, Saath hi ye SEO ke liye bhi accha hota hai.

Acche quality wale backlinks prapt karna off page SEO ka part hai. Waise aap apne page me other pages,services ya product ki internal linking banate hain to site ki crawlability badh jaati hai aur google me apki ranking ke chances badh jaate hain.

Internal aapke site par users ko jude rehne me help karta hai. Aap topic se jude relevent pages ki internal linking jarur karein. Sabhi sentences me internal link add na karein. Internal linking aapke SEO ko majbut karta hai.

Optimize Your Images

Agar aap apne page me image ko add kar rahein to ye aapke users ko accha experience det hai. Humesa apne image ko optimize karke upload karein. Saath hi image me title aur description ka use image ki seo ko strong karta hai. Aap image me bhi targeted keyword ka use kar sakte hain.

Image me humesa Alt tag ka use karein ye google ko samjhne me help karta hai ki image kiske baare me hai. Aisa na krein aap image Elephant ki daalein aur tag bird ka use karein.

Ab jara ye sochiye agar user slow internet speed par aapke page ko open kar raha hai, Aur site par image load nahi huie. To aise me user kya dekhega. Usey image diya hua Alt tag hi show karega. Apne image me keywords ki stuffing na karein. Jiske baare me image hai wahi mention karein.

Yoast SEO ke mutabik image usi ke baare me ho kiske baare me post likhi jaa rahi hai. Image aapke page par bahut badi bhumika nibhati hai. To image ko humesa optimize karke aur sahi scale ke saath use karein.Image ka size jitna bada hoga wo load hone me utna time lagyega.

Mobile Responsive Website 

Aapki website ya blog mobile responsive hona chahiye. Taaki user kisi bhi device ya screen size par usko eisley access kar sake. SEO aur Google me ranking ke liye ye ab important factor ban gaya hai.

Aapko ye baat ab dhyaan me rakhni hogi ki ek bahut bada user base aapko mobile par browse kar raha hai. Aise me mobile friendly bahut jaruri hai. Google bot aapke page ko kaise dekh raha hai, ye jaanne ke liye aap mobile friendly test tool ka use kar sakte hain.

Mobile Friendly On Page SEO  

User ko fast aur best experience dene ke liye google ne apne search results me Accelerated Mobile Pages (AMP) ko show karna shuru kar diya hai. Ye News website aur blogs ke liye bahut accha hai. Kyunki google search results me lightning bolt symbol show karta hai. Jissey user ko pata lagta hai ye page mobile friendly hone ke saath usnke page par fast load hoga.

Site Speed

Aaj technology ki duniya me speed bahut jaruri hai. Koi bhi ab intjaar nahi karna chahta hai. Aise me jaruri hai ki aapki website ki speed bhi fast ho. Aise me agar aapka website user ke browser par fast load nahi ho raha hai to wo user ko bahut bad experience deta hai.

Pro Bloggers aisa maante hai ki agar aapki website 3 second me load nahi hoti hai, To user aise site ko leave kar sakte hain. Saath hi Slow speed aapke website ko google me rank hone se bhi rokti hai.

Isliye humesa apni site ko optimize karein. Aur ye dekhein ki kin wajhon se aapki site ki speed slow ho rahi hai. Website ki speed badhane ke liye aap in factors ko check kar sakte hain.

Leverage Browser Caching
Optimize Plugins & Images
GZIP Compression use karein
Faster Hosting ko apnayein
Clean Up HTML & CSS Coding
Ads kam rakhein
Redirects ko kam karein

Waise study me ye paaya gaya hi ki aapki site ka total 50% se 60% speed aapki image ki wajah se badhta hai. To ye jaruri hai ki aap image ki size ko kam karke upload karein.

Yanha main aapko kuch tools ke baare me bata raha hun. Jo aapki site ki speed ko check karte hain, Aur aapko ye bhi batate hain ki kish wajah se site slow ho rahi hai, Aur aapko kya fix karna chahiye.

Page Speed Insights
GTMetrix
Pingdom Website Speed Test
Mobile Website Speed Testing Tool

On page Seo me site ki speed bhi ab mayne rakhti hai. Saath hi ye user ko bhi accha experience deta hai.

Final Results:

 

Apne website ke pages ko acche se check karein. Aur unko user friendly banayein. Apne site ke in pehluon par acche se dhyan dein. Jo aapki ranking aur traffic dono accha karta hai.

Relevance
Quality Content
Properly Written Meta Tags
Links
Marked Up Structured Data

Ye sunishit karein ki aap google ko correct signal de rahe hain. Custom meta tags, title tags, headings, aur quality content par focus karein.

Google search console ki help se apne site ka regular check up karein. Aur kisi bhi trah ke error ko jaldi fix karne ki koshis karein. Saath hi Google webmaster aur Google Analytics se apne site ka performance dekhein.

Google Webmaster Tool Ka Use Karke Blog Ka Search Engine Optimization (SEO) Kaise Karein?

Google Me Apne Blog Ko Kaise Submit Karein?

Mujhe ummid hai agar aap ye apnate hain to aapki site ka on page seo accha ho jayega. Google me apki ranking ke chances badh jayenge. Aur users bhi aapko site ko pasand karenge.

Post ko share kijiye. Aur hume Social Media par follow karein.

 

 

 

3 COMMENTS

  1. Hi NItish

    On page seo is the key factor of your seo campaign. If you have high quality backlinks but your on page is not correct then it is not going to help you. It is not going to move even a bit so you need to work on it. We are australian based local seo company. Check out my site and send me feedback incase if you have…appreciate your time…

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.