Google Site Kit ek wordpress plugin hai. Google ne 2018 me US Wordcamp me ish plugin ki ghoshna ki thi. Google Site Kit plugin specially wordpress website ke liye google ke dwaara banaya gaya hai. Ish post me aap janenge ki Google site kit aapke wordpress ke liye kya kar sakta hai aur isko kaise install karte hain.

Filhaal Google site kit Beta phase me chal raha hai. Abhi ispar developers ke dwaara work kiya jaa raha hai. Lekin aap chahein to ish plugin ko use kar sakte hain. Abhi ye plugin wordpress par officially available nahi hai. Agar aap wordpress se download karna chahte hain to aapko thoda wait karna pad sakta hai.

 
Aap Podcast Bhi Sun Sakte Hain.

Google Site Kit WordPress plugin ke Benifits 

Agar aap ek blogger hai ya kisi website ke owner ya fir developer hain to aap jaante honge ki google ke kai products ko aapki site se link karne ke liye aapko usko code apni site me paste karna hota hai, taaki google usko access karke aap tak satik jaankari pahuncha sake.

jaise ki Google search console, Google Analytics ya fir Google adsense. In sabhi ko apne site se connect karne ke liye ya to aapko koi third party plugin download karna hota ya inke codes ko aapko apni site me paste karna hota hai. lekin google ke ish product se aapki ye problem solve hone jaa rahi hai. Saath hi aap ek hi dashboard pe ye sabhi data apne wordpress ke andar hi dekh payenge.

Filhaal to ye plugin beta phase me hai, lekin fir aap isko download karke apni website me install kar sakte hain. Aapko yanha kai acche features milne waale hain.

  • Aap apne site ko Google Search Console me bahut hi aasani se verified karwa sakte hain.
  • Bahut hi aasani se aap Google analytics, Google Tag Manager, Google adsense aur Google optimize ko Configure aur manage kar skate hain.
  • Aap apne site ke sabhi page ka real time data jaan sakte hai, chahe wo google analytics ho ya fir google adsense.
  • site kit me Google Page speed insight bhi available hai janha se aap apne page ya site ki speed bhi check kar sakte hain.
  • Aur ye sab aap access kar payenge, apne ek wordpress dashboard me, aapko in data ko check karne ke liye different site pe jaane ki jarurat nahi hai.

Google Site kit WordPress plugin aap site kit ki  official site se download kar sakte hain ya fir GitHub repository par iske project ko dekh sakte hain.

  Download Google Site Kit WordPress Plugin

Google Site Ko Install Kaise Karein?

Upar diye gaye link se aap Google site ko developer mode me download kar sakte hain. Download karne ke baad apne wordpress ke plugin section me jaakar plugin upload karke active kar dein.

Agar plugin upload nahi ho raha hai ya fir koi error aa rha hai to aap apne Cpanel me jayein File Manager par Click karein aur wanha Plugin folder me isko upload kar dein. Upload hone ke baad site kit file ko extract kar lein aur old zip file ko delete kar dein. Aap dubara apne wordpress dashboard ke plugin section ko check karein wanha aapko Site kit plugin show ho jayega.

WordPress plugin activate karne se pehle mein aapko ye suggest karna chahunga ki aapne google search console me jo email id di huie hai wanhi aap analytics, adsense ya aur bhi product ke liye same rakhein. Issey site kit setup karne me aapko help milegi.

Google Site Kit Ko configure Kaise Karein?

Google site kit ko configure karne ke liye aapko apni Gmail id se login karna hoga. Main recommend karunga aap apni search console ki id ka use karein. Ab step by step in process ko follow kar sakte hain.

Plugin activate hone ke baad Create Client Id karna hota hai. Aapko developers link pe click karke apni gmail id se login karni hai. Aur Get OAuth Credentials par click karna hai. Yanha click karte hai aapke paas code aa jayega jisey aapko client configuration box me paste karke proceed karna hai.

Ab Google se authenticate hone ke liye aapko Sign In with google karna hoga. Agar aap ki email id same hai to ye automatically aapke URL ko verified kar leta hai aur aur google search console se connect bhi kar leta hai. Process complete hone ke baad aapke paas Go To Dashboard ka option aa jaata hai.

Ab aapka site kit Google search console se connect ho jaata hai. Ab aap bahut easily, analytics, adsense aur page insight ko connect kar sakte hain. Har ek service ko connect karne ke liye aapko gmail se login karna hoga. Agar aapne sabhi service ke liye ek hi gmail id di hai to aap wo use karein. Ya other service ke liye aap jo id use kar rahe hain uska use karein.

To ish trah se aap google ke other services ko connect karke ek hi dashboard me sabhi data ko dekh sakte hain. Yani ki ab aapko different plugins ko install kane ki jarurat nahi padegi.

Ye Bhi Padhein.

Google Tag Manager Setup Complete Guide in Hindi

Filhaal ye plugin abhi developer mode me hai to ho sakta hai. Kabhi kuch error ya technical issues bhi aapko dekhne ko miley. Agar google site kit se related se aapko koi bhi problem to aap mujhe yanha comment me likh sakte hain. Aur agar aap site kit use kar rahe hain to apna experience bhi jarur share karein.

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.